«Aýyl» partııasy «Ulttyq qoǵamdyq senim keńesiniń» qurylýyn qoldady

NUR-SULTAN. QazAqparat - «Aýyl» halyqtyq-demokratııalyq patrıottyq partııasynyń tóraǵasy Álı Bektaev «Ulttyq qoǵamdyq senim keńesi» týraly pikir bildirdi, dep habarlaıdy QazAqparat tilshisi.

Uqsas jańalyqtar

Álı Bektaev: Eńbek adamdary qoǵam ómirinde negizgi ról atqarady

«Aýyl» partııasynyń jańa tóraǵasy saılandy

«Biz elimizdegi «Ulttyq qoǵamdyq senim keńesiniń» qurylýyn qoldaımyz. «Aýyl» partııasy mundaı qoǵamdyq mańyzy bar organnyń jumysyna óz úlesin qosýǵa qashan da daıyn. Elimizdiń taǵdyrsheshti máselelerin talqyǵa salatyn «Ulttyq qoǵamdyq senim keńesi» sııaqty mańyzdy qurylymnyń bastamalarynan tys qalmaýymyz kerek», - dedi Álı Bektaev sezdiń ashylýynda.

Sonymen birge, partııa tóraǵasy «Aýyl» partııasy qurylymdyq turǵydan kúsheıip, aıaǵyna nyq turǵanyn atap ótti.

«Qazirgi tańda elimizdiń 14 oblysy jáne respýblıkalyq mańyzy bar Nur-Sultan, Almaty, Shymkent qalalarynda partııamyzdyń 17 fılıaly jumys isteıdi. 188 qalalyq jáne aýdandyq partııa uıymdarynda 500 bastaýysh partııa uıymdary bar», - dedi Álı Bektaev.

Aıta keteıik, elordada «Aýyl» halyqtyq-demokratııalyq patrıottyq partııasynyń XVI esep berý-saılaý sezi bastaldy.

Sezd jumysy aıasynda partııanyń tóraǵasy saılanyp, Saıası keńestiń jańa quramy bekitiledi jáne partııa jarǵysyna ózgertýler men tolyqtyrýlar engiziledi.