«Aýyl» partııasy sharýalarǵa jyldyq ótemaqysy 2 paıyzdy quraıtyn nesıe berý júıesin usynady

NUR-SULTAN. QazAqparat - «Aýyl» partııasy aýyl sharýashylyǵy taýarlaryn óndirýshilerge jyldyq ótemaqysy 2 paıyzdy quraıtyn nesıe berý júıesin usynady. Bul týraly «Aýyl» halyqtyq-demokratııalyq patrıottyq partııasynyń tóraǵasy Álı Bektaev aıtty, dep habarlaıdy QazAqparat tilshisi.

Uqsas jańalyqtar

Aýyl sharýashylyǵy salasynda qandaı mamandyqtar joıylady – zertteý

Prezıdent: Jaıylymdar eń aldymen aýyl turǵyndaryna qoljetimdi bolýy kerek Maqtaralda kóktemgi egis jumystary bastaldy Jetisaılyq dıqandar qyryqqabat egýdi bastady

«Qazagro» holdıngi men onyń enshiles uıymdaryna jyl saıyn qomaqty soma bólinse de, sharýalardyń qarjy qajettiliginiń jartysy ǵana ótelýde. Nesıe syıaqysyn sýbsıdııalaý baǵdarlamasy jasalsa da, ekinshi deńgeıli bankterdiń aýyl sharýashylyǵyna bet burǵysy joq. Biz ózimizdiń saılaýaldy baǵdarlamamyzda aýyl sharýashylyǵy taýarlaryn óndirýshilerine uzaq merzimdi, jyldyq ótemaqysy 2 paıyzdy quraıtyn nesıeler berý júıesin qalyptastyrýdy usynyp otyrmyz. Osyndaı qoldaý arqyly ǵana aýyl óndirisin kóterýge bolady dep esepteımiz», - dedi ol partııanyń kezekten tys XVIII sezinde.

Onyń paıymynsha, memleketimizde agrarlyq sektor ekonomıkany alǵa súıreıtin lokomotıv bolatynyna kúmán joq.

«Aýyl sharýashylyǵy bolashaqta munaı men gaz sııaqty jerasty baılyqtarynyń ornyn basatyn jerdiń ústindegi altyn qazynaǵa aınalatyn múmkindigi bar. «Altyn, kúmis – tas eken, arpa, bıdaı as eken», - degen máteldiń zamany keldi. Adamǵa qymbat úı, kıim, kólik emes, eń aldymen as kerek, sol arqyly myqty densaýlyq kerek», - dedi Álı Bektaev.