+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Aýyl damymaı, memleket damymaıdy - Máýlen Áshimbaev

2020 jylǵy 23 qazan 10:59
Bólisińiz:
Aýyl damymaı, memleket damymaıdy - Máýlen Áshimbaev

NUR-SULTAN. QazAqparat – Shyn máninde aýyl damymaı, memleket damymaıdy. Bul týraly QR Parlamenti Senatynyń Tóraǵasy Máýlen Áshimbaev aıtty, dep habarlaıdy QazAqparat tilshisi.

«Qazaqstannyń halqynyń 41 paıyzyn aýyl turǵyndary qurap otyr. Aýyldyq ekonomıkalyq, demografııalyq jáne mádenı áleýeti zor. Sondyqtan búgin talqylanyp otyrǵan másele memleketimizdiń ary qaraı damýy úshin úlken mańyzǵa ıe. Shyn máninde aýyl damymaı, memleket damymaıdy. Sońǵy jyldary Qazaqstanda aýyldyq aýmaqtardy tıimdi damytý úshin mańyzdy qadamdar jasalýda. 2019 jyldan bastap «Aýyl – El besigi» jobasy iske asyrylyp keledi. Degenmen búginde jaǵdaı túbegeıli jaqsaryp ketti dep aıta almaımyz. Qazirgi kezde elimizde 6322 aýyl bar. Ulttyq ekonomıka mınıstrliginiń baǵalaýy boıynsha onyń 3,5 myńynda nemese 56 paıyzynda ǵana damýǵa qajetti áleýet bar», - dedi M. Áshimbaev Senattaǵy aýyldyq aýmaqtardy damytý jónindegi parlamenttik tyńdaýda.

Onyń sózine qaraǵanda, aýyldar áleýmettik ári turmystyq jaılylyq ınfraqurylym jaǵynan artta qalyp otyr. Áli kúnge deıin aýyz sýdy tasyp ishetin aýyldar bar.

«Aýyldardyń 69 paıyzy ınternetke qosylǵan degen aqparat bar. Biraq ınternet bar jerlerdiń ózinde baılanys sapasy syn kótermeıdi. Ár besinshi aýylda bilim berý nysandary jóndeýdi qajet etedi. Densaýlyq saqtaý mekemeleriniń de jaǵdaıy máz emes, olardyń úshten birine jóndeý jumystaryn júrgizý kerek. Kadr tapshylyǵy da úlken másele», - dedi Máýlen Áshimbaev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT