+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aýyl ákimine kandıdatty tirkeý qalaı júrgiziledi

2021 jylǵy 24 maýsym 13:21
Bólisińiz:
Aýyl ákimine kandıdatty tirkeý qalaı júrgiziledi

NUR-SULTAN. QazAqparat – QR Ortalyq saılaý komıssııasynyń múshesi Erlan Daýylbaev aýyl ákimine tirkelý qalaı júrgiziletindigin aıtty, dep habarlaıdy QazAqparat tilshisi.

Uqsas jańalyqtar
Semeıde jańadan saılanǵan aýyl ákimderi tanystyryldy Mundaı saılaý bolǵan emes: Qasym-Jomart Toqaev jańadan saılanǵan aýyl ákimderimen áńgimelesti Aýyl ákimine úmitkerlerdiń keıbiriniń dıplomy jalǵan bolyp shyqqan

«Aýdandyq mańyzy bar qala, aýyl, kent, aýyldyq okrýg ákimine kandıdat ózin-ózi usynǵan jaǵdaıda, daýys berýge quqyǵy bar tıisti saılaý okrýgi saılaýshylarynyń jalpy sanynyń keminde 1 paıyz daýysynyń qoldaýyna ıe bolýy tıis. Saılaýshylardy qoldaý olardyń qoldaryn jınaýmen kýálandyrylady. Kandıdattardy qoldap qol jınaýdy senim bildirgen adamdar uıymdastyrady jáne ol úshin kandıdat osy Konstıtýtsııalyq zańda, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Zańynyń 36-babynda, memlekettik qyzmet salasyndaǵy zańnamada kózdelgen talaptarǵa sáıkestigi tekserilgennen keıin 3 kúnnen keshiktirilmeı tıisinshe aýdandyq saılaý komıssııasy beretin qol qoıý paraqtarymen rásimdeledi. Toltyrylǵan qol qoıý paraqtary tıisinshe aýdandyq saılaý komıssııasyna tapsyrylady. Ol 3 kún merzimde ishki ister qyzmetkerlerin tarta otyryp, jınalǵan qoldardyń rastyǵyn tekseredi jáne tıisti hattamany rásimdeıdi. Qoldardyń rastyǵyn tekserý Konstıtýtsııalyq zańǵa sáıkes aýdandyq mańyzy bar qala, aýyl, kent, aýyldyq okrýg ákimine kandıdatqa qajetti anyq qoldar anyqtalǵanǵa deıin júrgiziledi»,- dedi komıssııa múshesi OSK otyrysy barysynda.

Onyń aıtýynsha, kandıdat tirkelý úshin saıası partııalar usynǵan kezde azamattyń kandıdat bolýǵa kelisimi, ómirbaıandyq derekteri, kandıdat pen jubaıynyń aktıvteri men mindettemeleri týraly deklaratsııany tapsyrǵany týraly memlekettik kiris organynan anyqtamasy, QR memlekettik qyzmetine kiretin azamatty arnaıy tekserý úshin qajetti qujattardy, saıası partııanyń saılaý jarnasyn engizgendigin kýálandyratyn qujat, kandıdattyń saıası partııaǵa músheligin rastaıtyn qujat usynýy qajet.

Al ózin ózin usynǵan adam kandıdat bolyp daýysqa túsý týraly ótinishi, ómirbaıandyq derekter, kandıdat pen jubaıynyń aktıvteri men mindettemeleri týraly deklaratsııany tapsyrǵany týraly memlekettik kiris organynan anyqtamasy, QR memlekettik qyzmetine kiretin azamatty arnaıy tekserý úshin qajetti qujattardy, saılaý jarnasyn engizeni týraly qujat usynýy tıis.

Sonymen qatar saılaý okrýgi saılaýshylarynyń jalpy sanynyń keminde 1 paıyz daýysynyń qoldaýyna ıe bolǵandyǵyn rastaıtyn aýmaqtyq saılaý komıssııasynyń anyqtamasyn da usynýy kerek.

Al aýdan ákimi kandıdatty usynǵan kezde joǵaryda atalǵan qujattarmen qatar arnaýly usynysy qosa berilýi tıis.

«Kandıdattardy tirkeý barlyq qajetti qujattardy alǵannan keıin bastalady jáne saılaý kúninen 10 kún buryn jergilikti ýaqytpen saǵat 18.00-de aıaqtalady», - dedi Erlan Daýylbaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT