Aýstrııa men Germanııa ýaqytsha kómir paıdalanýǵa kóship jatyr
2022 jylǵy 21 maýsym 09:01

Aýstrııa men Germanııa ýaqytsha kómir paıdalanýǵa kóship jatyr

NUR-SULTAN. QazAqparat – Eýropada «jasyl» energetıkaǵa ótý baıalaýy múmkin. Aýstrııa men Germanııa gaz tutynýdy jáne Reseı Federatsııasynan jetkizilimdi azaıtý maqsatynda ýaqytsha kómir JEO-ǵa oralyp jatyr, dep habarlaıdy QazAqparat euronews.com saıtyna silteme jasap.

Aýstrııa bıligi eki jyl buryn jumysyn toqtatqan Mellahtaǵy kómir elektr stantsııasyn qaıta ashýdy josparlap otyr. Aýstrııada Reseı gazynyń úlesi ımporttyń 80%-yn quraıdy.

«Biz osy elektr stantsııasyn kómirmen jumys isteýdi qalpyna keltirý úshin qaıta jabdyqtaımyz. Eger tutynýdy tolyqtaı qamtamasyz etý, jetkizilimde úzilister bolsa, onda osy stantsııany qaıtadan paıdalanýǵa bolady. Sondyqtan qazir sheshim qabyldaý mańyzdy. Qalaı bolǵanda da, tehnıkalyq jańartýǵa, daıyndyqqa birneshe aı qajet», - dedi Aýstrııanyń qorshaǵan orta mınıstri Leonore Gevessler.

Germanııa 8 shildeden bastap kómir elektr stantsııalaryn ýaqytsha belsendi paıdalaný týraly zań jobasyn qabyldamaq. Ekonomıka mınıstri Robert Havbek jaǵdaı kúrdeli ekenin jáne qysta tapshylyq boldyrmas úshin energııa tutynýdy azaıtyp, jerasty gaz qoımalaryn toltyrý kerek ekenin aıtty.

«Jasyl» Habek ókiliniń aıtýynsha, kómirge qaıta oralý - bul qatty qajettilikten týyndap otyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT