Aýstralııa ashyq chempıonatynda alǵash ret toǵyz qazaqstandyq tennısshi óner kórsetedi
2022 jylǵy 17 qańtar 01:43

Aýstralııa ashyq chempıonatynda alǵash ret toǵyz qazaqstandyq tennısshi óner kórsetedi

NUR-SULTAN. QazAqparat – Búgin bastalatyn Aýstralııa ashyq chempıonatynda alǵash ret toǵyz qazaqstandyq tennısshi óner kórsetedi, dep habarlaıdy QazAqparat tilshisi.

Jyldyń birinshi «Úlken dýlyǵa» týrnırinde jekeleı synda Aleksandr Býblık, Mıhaıl Kýkýshkın, Tımofeı Skatov, Elena Rybakına, ıÝlııa Pýtıntseva, Zarına Dııas kortqa shyǵady.

Sondaı-aq juptyq synda Aleksandr Nedovesov, Andreı Golýbev jáne Anna Danılına baq synaıdy.

Aýstralııa ashyq chempıonatynyń alǵashqy jarys kúninde qazaqstandyqtardan álemniń 42-raketkasy ıÝlııa Pýtıntseva bastapqy kezdesýin dúnıejúzilik reıtıngte 107-orynda turǵan frantsııalyq Harmonı Tanmen ótkizedi.

Erler arasynda Qazaqstannyń birinshi, álemniń 35-raketkasy Aleksandr Býblık týrnırge arnaıy shaqyrtý alǵan, reıtıngte 141-satydaǵy amerıkalyq Ernesto Eskobedomen sheberlik baıqasady.

17 qańtar kúni sondaı-aq reıtıngte 180-oryndaǵy Mıhaıl Kýkýshkın álemniń 41-raketkasy, taǵy bir amerıkalyq Tommı Polmen oınaıdy.

Seısenbi kúni qalǵan tennısshilerge kezek keledi. Bir ókinishtisi, Qazaqstannyń birinshi, álemniń 12-raketkasy Elena Rybakına men reıtıngte 104-satydaǵy Zarına Dııas ózara kezdesedi. ıAǵnı bireýi jarys jolynan erte shyǵyp qalady.

«Úlken dýlyǵa» jarysyna alǵash ret joldama alǵan, reıtıngte 255-satydaǵy Tımofeı Skatov álemniń 117-raketkasy, slovakııalyq Norbert Gomboshpen synǵa túsedi.

Juptyq básekeler 19 qańtar kúni bastalady.

Horvatııalyq Franko Skýgormen juptasqan A.Golýbev aýstralııalyqtar Deın Sýını – Tý Lımen, A.Nedovesov pákstandyq Aısam Kýreshımen birge talaıdy kórgen tájirıbeli frantsııalyqtar Nıkolıa Maıý – Fabrıs Martenmen talasady.

A.Býblık pen Polsha ókili ıAn Zelınskıdiń qarsylastary – amerıkalyq Markos Hıron men ońtústikkoreıalyq Sýn Vý Kvon.

Áıelder arasynda jýyrda ǵana Sıdneı týrnıriniń chempıony atanǵan A.Danılına brazılııalyq Beatrıs Haddad Maııamen birge ıspanııalyq Paýla Badosa – taǵy bir qazaqstandyq E.Rybakınany synap kóredi.

Eske sala keteıik, budan buryn Aýstralııa ashyq chempıonatynda qazaqstandyq tennısshilerdiń qarsylastary anyqtalǵanyn, Anna Danılınanyń Sıdneı týrnıriniń jeńimpazy atanǵanyn, Elena Rybakınanyń álemdik reıtıngide rekordtyq kórsetkishke qol jetkizgenin jazǵan bolatynbyz.

Sondaı-aq qazaqstandyq tennısshi Mysyrdaǵy jarystyń jeńimpazy atandy.




Uqsas jańalyqtar

Jańalyqtar

MURAǴAT