Australian Open: ıÝlııa Pýtıntseva alǵashqy aınalymnan asa almady
2022 jylǵy 17 qańtar 08:39

Australian Open: ıÝlııa Pýtıntseva alǵashqy aınalymnan asa almady

NUR-SULTAN. QazAqparat – Qazaqstandyq, álemniń 42-raketkasy ıÝlııa Pýtıntseva Aýstralııa ashyq chempıonatynyń ekinshi aınalymyna óte almady, dep habarlaıdy QazAqparat tilshisi.

ıÝ.Pýtıntseva alǵashqy aınalymda dúnıejúzilik reıtıngte 107-orynda turǵan frantsııalyq Harmonı Tanmen kezdesti.

Frantsııalyq tennısshi kútpegen jerden 6:3, 6:3 esebimen jeńiske jetti.

ıÝ.Pýtıntseva 1 saǵat 18 mınýtqa sozylǵan match barysynda 2 eıs jasap, 2 breık-poınttyń ekeýin de paıdalandy. Qarsylasy 3 eıs, 5 breıkke (6 breık-poınt) qol jetkizdi.

ıÝ.Pýtıntseva ótken jyly osy birinshilikte úshinshi aınalymǵa deıin jetken bolatyn.

Osylaısha Aýstralııa ashyq chempıonaty qazaqstandyqtar úshin sátsiz bastaldy. Degenmen ıÝ.Pýtıntseva juptyq synda amerıkalyq Sofııa Kenınmen birge eki kúnnen keıin kortqa shyǵady.

Eske sala keteıik, budan buryn Elena Rybakınanyń álemdik reıtıngide rekord kórsetkishke qol jetkizgenin, qazaqstandyq tennısshiniń Mysyrdaǵy jarystyń jeńimpazy atanǵanyn, Aýstralııa ashyq chempıonatynda alǵash ret toǵyz qazaqstandyq tennısshiniń óner kórsetetinin jazǵan bolatynbyz.






Uqsas jańalyqtar

Jańalyqtar

MURAǴAT