Australian Open: Mıhaıl Kýkýshkın negizgi týrnırge joldama aldy
2022 jylǵy 14 qańtar 11:44

Australian Open: Mıhaıl Kýkýshkın negizgi týrnırge joldama aldy

NUR-SULTAN. QazAqparat – Qazaqstandyq Mıhaıl Kýkýshkın Aýstralııa ashyq chempıonatynyń negizgi týrnırine joldama aldy, dep habarlaıdy QazAqparat tilshisi.

Dúnıejúzilik reıtıngte 180-satyda turǵan 34 jastaǵy qazaqstandyq tennısshi irikteý saıystarynyń fınalynda álemniń 141-raketkasy, 25-tegi amerıkalyq Ernesto Eskobedomen kezdesti.

Birinshi partııada M.Kýkýshkın 6:4 esebimen basymdylyq tanytsa, ekinshisinde E.Eskobedo qarymta qaıyrdy – 7:5.

Úshinshi, sheshýshi sette qazaqstandyq tennısshi sheberligin kórsete bildi – 7:5.

Úsh saǵatqa jýyq ýaqytqa sozylǵan tartysty báseke barysynda M.Kýkýshkın 10 eıs jasap, 6 breık-poınttyń ekeýin paıdalana bildi. Qarsylasy 9 eıs, 1 breıkpen (4 breık-poınt) shekteldi.

Osylaısha Aýstralııa ashyq chempıonatyna áıelder men erler arasynda Qazaqstannan úsh-úshten tennısshi qatysatyn boldy. Elena Rybakına, ıÝlııa Pýtıntseva, Zarına Dııasqa qosa Aleksandr Býblık, M.Kýkýshkın jáne Tımofeı Skatov jekeleı synda kortqa shyǵady.

Ótken jyly bul «Úlken dýlyǵa» jarysynda A.Býblık ekinshi, M.Kýkýshkın birinshi aınalymnan asa almaǵan edi.

Eske sala keteıik, budan buryn Aýstralııa ashyq chempıonatynda Elena Rybakına men Zarına Dııastyń ózara kezdesetinin, Tımofeı Skatovtyń alǵash ret «Úlken dýlyǵa» týrnırinde oınaıtynyn jazǵan bolatynbyz.

Sondaı-aq Anna Danılına Sıdneı týrnıriniń fınalyna shyqty.



Uqsas jańalyqtar

Jańalyqtar

MURAǴAT