Australian Open: Qos qazaqstandyq jasóspirim tennısshi baq synaıdy

NUR-SULTAN. QazAqparat – Aýstralııa ashyq chempıonatynyń jasóspirimder dodasynda alǵash ret qos qazaqstandyq tennısshi óner kórsetedi, dep habarlaıdy QazAqparat tilshisi.

Qazaqstan tennıs federatsııasy málim etkendeı, Arýjan Saǵyndyqova alǵashqy aınalymda jarystyń 8-raketkasy, belgııalyq Sofıa Kostýlaspen sheberlik baıqasady.

Taǵy bir qazaqstandyq Maksım Batıýtenko týrnırdi uıymdastyrýshylardan arnaıy shaqyrtý aldy. Temirtaý qalasynyń túlegi birinshi kezdesýinde ulybrıtanııalyq Mettıý Rankınmen synǵa túsedi.

Bul – olardyń «Úlken dýlyǵa» týrnırine alǵashqy qatysýlary.

Matchtar 23 qańtar kúni elorda ýaqytymen saǵat 07.00-de bastalady.

Eske sala keteıik, budan buryn Anna Danılına juptyq synda úshinshi aınalymǵa shyqty. Al Aleksandr Nedovesov úshinshi aınalymǵa shyǵa almady.