Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Australian Open: Arýjan Saǵyndyqova jartylaı fınalǵa shyǵa almady

2022 jylǵy 26 qańtar 13:32

NUR-SULTAN. QazAqparat – Qazaqstandyq Arýjan Saǵyndyqova juptyq synda Aýstralııa ashyq chempıonaty jasóspirimder týrnıriniń jartylaı fınalyna shyǵa almady, dep habarlaıdy QazAqparat tilshisi.

Qazaqstan tennıs federatsııasy málim etkenindeı, 17 jastaǵy A.Saǵyndyqova reseılik Ekaterına Haırýtdınovamen birge shırek fınalda kanadalyqtar Kaıla Kross – Vıktorııa Mbokomen kezdesti.

Qazaqstandyq-reseılik jup 2:6, 2:6 esebimen qarsylastaryna jol berdi.

«Bul meniń jasóspirimder arasynda alǵashqy «Úlken dýlyǵa» týrnırim edi. Osyndaı iri jarysta elimniń namysyn qorǵap, juptyq synda shırek fınalǵa deıin jetýim jaqsy jetistik dep oılaımyn. Jekeleı synda tájirıbem jetispedi.

Aldaǵy ýaqytta budan da joǵary tabysqa qol jetkizý úshin jaqsylap daıyndalyp, barymdy salamyn. Maǵan qoldaý kórsetken Qazaqstan tennıs federatsııasyna, bapkerime, barsha jankúıerlerime alǵysymdy bildirgim keledi», dedi A.Saǵyndyqova.

Eske sala keteıik, budan buryn Aýstralııa ashyq chempıonatynda Anna Danılınanyń juptyq synda jartylaı fınalǵa shyqqanyn jazǵan bolatynbyz.

Sondaı-aq Arýjan Saǵyndyqova úshinshi aınalymǵa shyqty..


Avtor:

Eljan Eraly

Novostı po teme