Australian Open: Andreı Golýbev aralas synda shırek fınalǵa shyǵa almady
2022 jylǵy 23 qańtar 15:18

Australian Open: Andreı Golýbev aralas synda shırek fınalǵa shyǵa almady

NUR-SULTAN. QazAqparat - Qazaqstandyq Andreı Golýbev aralas synda shırek fınalǵa shyǵa almady, dep habarlaıdy QazAqparat tilshisi.

A.Golýbev ýkraınalyq Lıýdmıla Kıchenokpen birge ekinshi aınalymda japonııalyq Makoto Nınomııa - pákstandyq Aısam-ýl-Hak Kýreshımen kezdesti.

Bir saǵattan astam ýaqytqa sozylǵan matchta japonııalyq-pákstandyq jup 6:3, 6:4 esebimen jeńiske jetti.

Osylaısha A.Golýbev te jarys jolynan shyǵyp qaldy.

Jasóspirimder týrnırinde taǵy bir qazaqstandyq 17 jastaǵy Arýjan Saǵyndyqova jarystyń 8-raketkasy, belgııalyq Sofıa Kostýlasqa ese jiberdi - 1:6, 2:6.

Arýjan bıyl qalǵan úsh «Úlken dýlyǵa» týrnırine qatysady. Kelesi jyly 18-ge tolǵannan keıin eresekter dodasyna qosylady.

Eske sala keteıik, budan buryn Anna Danılınanyń shırek fınalǵa shyqqanyn, Maksım Batıýtenkonyń jasóspirim týrnırin sátti bastaǵanyn jazǵan bolatynbyz.


Jańalyqtar

MURAǴAT