Australian Open: Andreı Golýbev aralas synda ekinshi aınalymǵa shyqty
2022 jylǵy 22 qańtar 19:27

Australian Open: Andreı Golýbev aralas synda ekinshi aınalymǵa shyqty

NUR-SULTAN. QazAqparat – Qazaqstandyq Andreı Golýbev aralas synda Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi ýkraınalyq Lıýdmıla Kıchenokpen birge bastapqy kezdesýin horvatııalyq Darıa ıÝrak – úndistandyq Rohan Bopannamen ótkizdi.

A.Golýbev pen L.Kıchenok 1:6, 6:4, 11:9 esebimen jeńiske jetti. Olar bir saǵattan astam ýaqytqa sozylǵan báseke barysynda 1 eıs jasap, 4 breık-poınttyń teń jartysyn paıdalandy. Qarsylastary 4 eıs, 3 breıkke (5 breık-poınt) qol jetkizdi.

Qazaqstandyq-ýkraınalyq jup shırek fınalǵa shyǵý úshin japonııalyq Makoto Nınomııa – pákstandyq Aısam-ýl-Hak Kýreshımen talasady. Osylaısha Aýstralııa ashyq chempıonatynda Qazaqstannan A.Golýbev pen juptyq synda óner kórsetetin Anna Danılına ǵana qaldy.

Eske sala keteıik, budan buryn Aýstralııa ashyq chempıonatynda Anna Danılınanyń juptyq synda úshinshi aınalymǵa shyqqanyn jazǵan bolatynbyz. Al Aleksandr Nedovesov úshinshi aınalymǵa shyǵa almady. Sondaı-aq Aýstralııa ashyq chempıonatynda qos qazaqstandyq jasóspirim tennısshi baq synaıdy.






Jańalyqtar

MURAǴAT