Australian Open: Aleksandr Nedovesov juptyq synda Rolan Garros chempıonyn utty
2022 jylǵy 20 qańtar 10:36

Australian Open: Aleksandr Nedovesov juptyq synda Rolan Garros chempıonyn utty

NUR-SULTAN. QazAqparat – Qazaqstandyq Aleksandr Nedovesov juptyq synda Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

Qazaqstan tennıs federatsııasy málim etkendeı, A.Nedovesov pákstandyq Aısam-ýl-Hak Kýreshımen birge bastapqy kezdesýin jarystyń 7-raketkalary, frantsııalyqtar Nıkolıa Maıý – Fabrıs Martenmen ótkizdi.

Tartysty ótken match taǵdyry úshinshi sette sheshildi.

Qazaqstandyq-pákstandyq jup 7:6 (7:1), 5:7, 6:2 esebimen jeńiske jetti.

Nedovesov pen Kýreshı 2 saǵat 29 mınýtqa sozylǵan báseke barysynda 11 eıs jasap, úsh breıkke qol jetkizdi. Endi olar ekinshi aınalymda taǵy bir qazaqstandyq Aleksandr Býblık – Polsha ókili ıAn Zelınskı nemese amerıkalyq Markos Hıron – ońtústikkoreıalyq Sýn Vý Kvon juptarynyń qaı jeńgenimen kezdesedi.

Nıkolıa Maıý taǵy bir frantsııalyq Per Erbermen birge ótken jyly Rolan Garros týrnıriniń fınalynda qazaqstandyqtar Aleksandr Býblık pen Andreı Golýbevti utyp, chempıon atanǵan bolatyn.

Eske sala keteıik, budan buryn Anna Danılınanyń Aýstralııa ashyq chempıonatyn sátti bastaǵanyn, Aleksandr Býblıktiń jarys jolynan shyǵyp qalǵanyn jazǵan bolatynbyz.


Jańalyqtar

MURAǴAT