Australian Open-2023: búgin Elena Rybakına fınalda chempıondyq ataqty sarapqa salady
ASTANA. QazAqparat – Búgin Aýstralııa ashyq birinshiliginiń fınalynda qazaqstandyq Elena Rybakına men álemniń 5-raketkasy, Belarýs ókili Arına Sobolenko chempıondyq ataqty sarapqa salady, dep habarlaıdy QazAqparat tilshisi.
Qos tennısshi de Aýstralııa ashyq chempıonatynyń fınalyna alǵash ret shyǵyp otyr.
Buǵan deıin 23 jastaǵy Elena Rybakına 2020 jyly úshinshi aınalymǵa deıin jetken edi. Al odan bir jasqa úlken Arına Sobolenko tórtinshi aınalymnan asyp kórgen emes.
E.Rybakınanyń ótken jyly Ýımbldon týrnıriniń chempıony atanǵany belgili. A.Sobolenko 2021 jyly Ýımbldon men US Open, 2022 jyly US Open dodasynda jartylaı fınalǵa deıin jetken. Bul onyń «Úlken dýlyǵa» týrnırindegi alǵashqy fınaly bolmaq.
Qarsylastar ózara úsh ret kezdesip, bárinde de belarýstik tennısshi úsh sette basym túsken.
Fınaldyq match senbi kúni Astana ýaqytymen saǵat 14.30-da bastalady.
Aýstralııa ashyq chempıonatynyń jalpy júlde qory 51,3 mln AQSh dollarynan asady.
Eske sala keteıik, budan buryn Aýstralııa chempıonatynda Elena Rybakınanyń alǵash ret fınalǵa shyqqanyn jazǵan bolatynbyz.
Sondaı-aq Elena Rybakına Aýstralııa chempıonatynda eıs jasaýdan úzdik atandy.
Qazaqstandyq jas tennısshi Aýstralııadaǵy týrnırdiń fınalısi atandy.
Qazaqstandyq tennısshi qyzdar Úndistandaǵy týrnırdiń fınalyna shyqty.
Foto: ktf.kz
