+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Aýrýdy erte dıagnostıkalaý ýaqtyly em jasaýǵa múmkindik beredi - ýrolog

2021 jylǵy 20 maýsym 22:17
Bólisińiz:
Aýrýdy erte dıagnostıkalaý ýaqtyly em jasaýǵa múmkindik beredi - ýrolog

ALMATY. QazAqparat- Medıtsına qyzmetkerleri kúni dástúrli túrde maýsymnyń úshinshi jeksenbisinde atap ótiledi. Bul kúni densaýlyq saqtaý salasynyń damýyna úlken úles qosaqan jandar jaıynda aıtamyz. Maqsat - halyqqa ózi isine jaýapty mamandardy keńinen tynystyrý. Almaty qalasyndaǵy Pedıatrııa jáne balalar hırýrgııasy ǵylymı ortalyǵynyń joǵary sanatty dáriger-ýrology Baýyrjan Sákenov QazAqparat tilshisine bergen suhbatynda dıagnostıka jáne hırýrgııalyq emdeýdiń zamanaýı ádisteri týraly aıtty.

Uqsas jańalyqtar
Almatyda epıdahýal kúrt nasharlady - Jandarbek Bekshın Atyraý oblysynda koronavırýs juqtyrǵandar sany taǵy kóbeıdi Koronavırýsqa shaldyqqan 1 325 naýqastyń jaǵdaıy aýyr

-Baýyrjan Tileýqabyluly eńbek jolyńyz týraly aıtyp berseńiz?

- Men dárigerler otbasynda dúnıege keldim. Meniń anam terapevt. ıAǵnı, bala kúnimnen medıtsına salasynda tárbıelendim. Eńbek jolymdy 2008 jyly Pedıatrııa jáne balalar hırýrgııasy ǵylymı ortalyǵynyń rezıdentýrasyna túsip, sol jerde bastadym. 2010 jyly «balalar hırýrgııasy» biliktiligin aldym. Keıin Pedıatrııa jáne balalar hırýrgııasy ǵylymı ortalyǵynyń ýrologııa bólimine jumysqa ornalastym. Rezıdentýrada men ýrologııa boıynsha tolyq kýrstan óttim. Sodan beri men ártúrli ýrologııalyq patologııalary bar balalarmen jumys istep kelemin.

- Medıtsına salasy kóptegen baǵyttqa bólinetini anyq, nege ýrologııany tańdadyńyz?

- Balalar ýrologııasy - negizinen plastıkalyq hırýrgııa. Sol sebepti osy mamandyqty tańdadym. Munda gıpospadııa patologııa degen dıagnoz bar. Osyndaı patologııasy bar naýqastarǵa ota jasaý kerek. Bul jerde dáriger ota jasap qana qoımaı, beıneli oılaý qajet. Hırýrgııalyq aralasý kezinde naýqastyń zár shyǵarý arnasyn ózi qurýy kerek, ol týǵan kezde qalyptaspaǵan.

- Qazirgi ýaqytta qandaı ýrologııalyq aýrýlar jıi kezdesedi, ol nemen baılanysty bolýy múmkin?

- Ókinishke oraı, bizdiń elde ýrologııalyq patologııa keń taralǵan. Munyń sebepteri ártúrli. Mysaly, júkti áıelderdiń kúızeliske túsýine baılanysty bolýy múmkin. Jalpy ýrologııalyq patologııa alǵashqy úsh aıda qalyptasady. Sonymen qatar, juqpaly aýrýlar, JRVI yqpal etýi múmkin. Qazir bul patologııa jatyrda anyqtaldy, bul bizge erte dıagnoz qoıýǵa kómektesedi. Endi, jatyrdyń ishinde ýltradybystyq búırek patologııasy shamamen 20-21 aptaǵa belgilendi. Osydan keıin júkti áıelder bizge habarlasyp, tirkeledi. Sodan keıin biz balany jatyrda baıqaımyz. Týǵannan keıin onyń aýyrlyǵyn anyqtaımyz. Keıde birden operatsııa jasaımyz, keıde belgili bir kezeńdi kútemiz.

- Atalǵan aýrýdyń alǵashqy belgileri qandaı bolady?

- Eń qıyny osynda. Ýrologııalyq patologııada aýrý sımptomsyz júredi. ıAǵnı, eger bul patologııa bala jatyrda jatqanda anyqtalmasa onda, ony búırektiń ýltradybystyq zertteýinde nemese basqa medıtsınalyq tekserýler kezinde, patsıentter basqa shaǵymdarmen kelgende kezdeısoq tabady. Búgingi kúni ýrologııalyq aýrýlar balalardaǵy hırýrgııalyq patologııanyń arasynda jetekshi oryn alady. Aýrýdyń erte dıagnostıkasy ýaqytynda sharalar qabyldaýǵa múmkindik beredi.

- Emdeý tájirbıeńizde erekshe klınıkalyq jaǵdaı boldy ma?

- Boldy. Ol- zár shyǵarý júıesiniń qalyptaspaýy. Medıtsına tilinde ekstrofııa deıdi. Bul kezde náreste qýyqtyń aldyńǵy qabyrǵasynsyz týady. Bizde osyndaı naýqas boldy. Biz ony týǵannan beri emdep kelemiz. Biz oǵan ishekten qýyq jasadyq. Kúrdeli ota boldy. Operatsııa 12 saǵatqa sozyldy. Bul meniń tájirıbemdegi eń umytylmas operatsııa bolǵan shyǵar.

- Qazir aýrý «jasaryp» ketti degen uǵym paıda boldy, ol ras pa?

- Iá, durys aıtasyz. Bizdiń tájirıbemizde bul tendentsııa da bar. Mysaly, búırektegi tas. Jańa týǵan nárseniń búıreginde tas bolǵan. Muny nemen baılanystyrýǵa bolady? Meniń oıymsha, bul ata-ananyń ómir súrý saltyna baılanysty. Olar ne ishedi, ne jeıdi. Ókinishke, oraı ýrologııa salasynda búırektegi tas dıagnozy joǵary deńgeıde zerttelmegen. Keıde eresek balalardyń búıregindegi tastyń neden paıda bolǵanyn anyqtaý qıyn. Qazir mundaı aýrý balalar arasynda jıi kezdesedi. Bul- úlken problema. Jáne bul tereń zertteýdi qajet etedi. Bizdiń pedıatrııa jáne balalar hırýrgııasy ǵylymı ortalyǵy osy máselemen aınalysady. Túrli zertteýler júrgizemiz. Biz sondaı-aq zár shyǵarý júıesiniń damý aqaýlaryn (gıdronefroz, megaýretr, qos búırektiń damý aqaýlary) emdeımiz.

Ortalyqta 2001 jyldan bastap qalalyq jáne oblystyq balalar ýrologtaryna arnalǵan biliktiligin arttyrý kýrstary ótkiziledi.

Suhbatyńyzǵa rahmet!


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT