Aýǵanstannyń jańa bıligimen beıresmı dıalogqa bastama jasaý qajet – QR Prezıdenti
2021 jylǵy 17 qyrkúıek 16:27

Aýǵanstannyń jańa bıligimen beıresmı dıalogqa bastama jasaý qajet – QR Prezıdenti

DÝShANBE. QazAqparat – Aýǵanstannyń jańa bıligimen beıresmı dıalogqa bastama jasaý qajet. Bul týraly Dýshanbede ótken ShYU-ǵa múshe memleketter basshylary keńesinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ujymdyq qaýipsizdik shart uıymy men Shanhaı yntymaqtastyq uıymy elderi Aýǵanstannyń jańa bıligimen beıresmı dıalogqa bastama jasaýy qajet. Mundaı kommýnıkatsııa tálipteriniń shynaıy nıetin baǵalaýǵa, syn-qaterge, óńirlik turaqtylyqqa qatysty jalpy paıym jasaýǵa jáne bulelmen saýda-ekonomıkalyq baılanysty qalpyna keltirýge múmkindik beredi. Buǵan qosa, bul kezeńde resmı taný týraly sóz qozǵalyp otyrǵan joq», - dedi QR Prezıdenti.

Memleket basshysy kóp jaǵdaı Aýǵanstannyń jańa ákimshiliginiń is júgindegi aldaǵy qadamyna, sonymen qatar BUU Qaýipsizdik keńesiniń tıisti sheshimderine baılanysty bolatyndyǵyn basa aıtty.

«ShYU men UQShU múddeleri jáne birlesken kúsh-jigeri ushtasyp, ulanǵaıyr óńirimizdiń qaýipsizdigi men turaqty damýyndaǵy ózekti problemalardy sheshýdegi áreketterimizdiń jalpy tıimdiligin arttyrýǵa múmkindik beredi dep úmittenemin», - dedi Qasym-Jomart Toqaev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT