+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aýǵanstannyń ultazattyq kúshteri tálipterdi Pandjsherdegi úsh aýdannan yǵystyrdy

2021 jylǵy 11 qyrkúıek 10:26
Bólisińiz:
Aýǵanstannyń ultazattyq kúshteri tálipterdi Pandjsherdegi úsh aýdannan yǵystyrdy

KAIR. TASS-QazAqparat – Ultazattyq frontynyń (UF) jasaǵy soltústiktegi Pandjsher provıntsııasynda radıkaldardan úsh aýdandy jaýlap aldy. Bul prvıntsııa Aýǵanstandy jaýlap alǵan «Talıban» radıkaldy qozǵalysyna baǵynǵan joq. Bul týraly juma kúni Afghanistan Times jergilikti gazeti jazdy.

Uqsas jańalyqtar
Ulybrıtanııa Premer-Mınıstri Borıs Djonson azamattardy revaktsınatsııadan ótýge shaqyrdy Pfizer vaktsınasy 5-11 jas aralyǵyndaǵy balalarǵa 90% tıimdi Belarýsta koronavırýstyń jańa shtamy tirkeldi

Tálipterge qarsylyq kórsetip jatqan jasaq Pandjsherdiń soltústik jáne soltústik-shyǵysynda ornalasqan Dara, Abshar jáne Parıan aýdandaryn óz baqylaýyna qaıtaryp aldy. UQKF kúshteri joıqyn soǵys nátıjesinde ondaǵan tálip sodyrynyń kózin joıǵan.

«Talıban» qozǵalysy kóktemde AQSh qarýly kúshteri óz áskerin Aýǵanstannan alyp ketý týraly sheshim qabyldaǵannan keıin eldegi bılikti óz qolyna alý úshin aýqymdy operatsııa júrgizdi. 15 tamyzda Aýǵanstan prezıdenti Ashraf Ganı ókilettiginen bas tartyp, elden ketti. Tálipter soǵyssyz Kabýldy basyp aldy. Ahmad Masýd bastaǵan radıkaldardyń bıligine qarsy top Pandjsherde qarsylyq kórsetti. Ony ózin memleket basshysynyń mindetin atqarýshy etip jarııalaǵan eldiń burynǵy vıtse-prezıdenti Amrýlla Saleh qoldaýǵa shaqyrdy. Dúısenbi kúni tálipterdiń ókili Zabıhýlla Mýdjahıd Pandjsherdiń tolyqtaı «Talıban» baqylaýyna ótkenin, sondyqtan Aýǵanstan aýmaǵynda soǵys toqtaǵanyn jarııalady. Óz kezeginde Masýd radıkaldarǵa qarsylyq jalǵasyp jatqanyn málim etip, Aýǵanstannyń barlyq turǵynyn jalpyulttyq kóteriliske shaqyrdy.

Qarsylyq kórsetýshiler tobynyń ókili Alı Maısam Nazarı qarsylyqtyń partızan soǵysy tásiline kóship jatqanyn naqtylady. Keıinnen Pandjsherdegi TASS derekkózi bul óńirde surapyl soǵys jalǵasyp jatqanyn habarlady. Provıntsııa turǵyndarynyń basym bóligi tálipterdiń áreketinen óz úılerin tastap, taýǵa qaraı ketip jatyr.

Foto: ©Stringer / XinHua / Global Look Press




Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT