Aýǵanstanda qýatty jer silkinisi bolyp, 250 adam kóz jumdy
2022 jylǵy 22 maýsym 13:35

Aýǵanstanda qýatty jer silkinisi bolyp, 250 adam kóz jumdy

KABÝL. QazAqparat – Aýǵanstannyń ońtústik-shyǵysyndaǵy Paktıka provıntsııasynda bolǵan qýatty jer silkinisinen keminde 250 adam kóz jumyp, taǵy 150-ge jýyǵy jaraqat aldy, dep habarlaıdy QazAqparat VVS-ge silteme jasap.

Amerıka seısmologtarynyń málimetinshe, 6,1 baldyq jer silkinisi tańsáride 51 shaqyrym tereńdikte bolǵan.

Áleýmettik jelilerde taraǵan kadrlardan qıraǵan úılerdi, kóshelerde shashylyp jatqan synyqtar men úıindilerdi, zardap shekken adamdardy kórýge bolady.

Jergilikti bılik ókili qurban bolǵandar sany artýy múmkin ekenin málimdedi.

Jer silkinisiniń oshaǵy Aýǵanstannyń ońtústik-shyǵysyndaǵy Host qalasynan shamamen 44 shaqyrym jerde ornalasqan. Jerasty dúmpýleri eldiń shekarasynan 500 shaqyrymnan astam qashyqtyqta sezildi. S onyń ishinde Pákistan men Úndistan bar.

Amerıka seısmologtarynyń málimetinshe, zilzala Aýǵanstan astanasy Kabýlda jáne Pákistannyń astanasy Islamabadta da sezildi.


Seriktester jańalyqtary

Jańalyqtar

Úrdis

MURAǴAT