+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Aýǵanstan men Irak ShYU qorǵanys mınıstrleriniń nazarynda

2021 jylǵy 29 shilde 10:58
Bólisińiz:
Aýǵanstan men Irak ShYU qorǵanys mınıstrleriniń nazarynda

NUR-SULTAN. QazAqparat – Qazaqstannyń Qorǵanys mınıstri general-leıtenant Nurlan Ermekbaev Dýshanbe qalasynda ótip jatqan Shanhaı yntymaqtastyq uıymyna múshe memleketter qorǵanys vedomstvolary basshylarynyń keńesi sheńberinde Qytaıdyń qorǵanys mınıstri general-polkovnık Veı Fenhemen kezdesti.

Uqsas jańalyqtar
Qazaqstan Prezıdenti ShYU boıynsha áriptesterdi AHQO áleýetin belsendi paıdalanýǵa shaqyrdy ShYU-nyń aqparattyq qaýipsizdik jónindegi ortalyǵyn tezirek qurý qajet – QR Prezıdenti ShYU damýdyń jańa kezeńine shyǵady – QR Prezıdenti

Sondaı-aq, ol is-sharaǵa qatysqan qorǵanys vedomstvolarynyń basshylarymen kelissózder júrgizdi, dep habarlaıdy QazAqparat QR Qorǵans mınıstrliginiń baspasóz qyzmetine silteme jasap.

Shanhaı yntymaqtastyq uıymy sheńberindegi eki jaqty jáne kóp jaqty áskerı jáne áskerı-tehnıkalyq yntymaqtastyq óńirdegi, ásirese Aýǵanstan men Iraktaǵy AQSh pen NATO áskerı mıssııalarynyń aıaqtalýyna baılanysty qaýip-qaterler sanynyń artýyn eskere otyryp, erekshe mańyzǵa ıe bolyp otyr.

Qazaqstannyń Qorǵanys mınıstri búgingi kúni óńirlik qana emes, jalpyálemdik aýqymda da roli aıtarlyqtaı artyp kele jatqan Shanhaı yntymaqtastyq uıymynyń kóptarapty birlestik retinde mańyzdy ekenin atap ótti.

Nurlan Ermekbaev qytaılyq áriptesine COVID-19 pandemııasyna qarsy áreket etý sheńberinde belsendi jáne nátıjeli yntymaqtastyǵy úshin rızashylyǵyn bildirdi.

Onyń aıtýynsha, ózara kómek eldegi epıdemıologııalyq jaǵdaıdy turaqtandyrýǵa yqpal etedi.

Qorǵanys vedomstvolarynyń basshylary Qazaqstan men Qytaı qarýly kúshteri arasyndaǵy yntymaqtastyqtyń búgingi kúni joǵary deńgeıde ekenin, sondaı-aq ony odan ári damytýǵa áleýettiń bar ekenin atap ótti.

General-leıtenant Nurlan Ermekbaev qytaılyq áriptesin Qazaqstanǵa saparmen kelýge shaqyrdy.

Sonymen qatar, Shanhaı yntymaqtastyq uıymynyń qorǵanys mınıstrleri keńesi barysynda Belarýs, Qyrǵyzstan, Pákistan, Tájikstan men Ózbekstan qorǵanys vedomstvolarynyń basshylarymen kelissózder júrgizdi. Taraptar áskerı daıyndyq pen áskerı bilim berý, sondaı-aq qarýly kúshter qyzmetiniń basqa da ózekti baǵyttary boıynsha belsendi ózara is-qımyldy atap ótti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT