+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Aýǵanstan máselesi: ShYU memleketteri mınıstrleriniń Birlesken málimdemesi qabyldandy

2021 jylǵy 14 shilde 16:07
Bólisińiz:
Aýǵanstan máselesi:  ShYU memleketteri mınıstrleriniń Birlesken málimdemesi qabyldandy

DÝShANBE. QazAqparat - QR Premer-Mınıstriniń orynbasary – Syrtqy ister mınıstri Muhtar Tileýberdi Tájikstan Respýblıkasynyń tóraǵalyǵymen ótken Shanhaı yntymaqtastyq uıymyna múshe memleketterdiń Syrtqy ister mınıstrleri keńesiniń (ShYU SІMK) kezekti otyrysyna qatysty. Bul týraly QazAqparat SІM silteme jasap habarlaıdy.

Otyrys aldynda ShYU elderiniń Syrtqy ister mınıstrlerin Tájikstan Respýblıkasynyń Prezıdenti Emomalı Rahmon qabyldady.

SІMK barysynda ShYU elderiniń syrtqy saıası vedomstvolarynyń basshylary uıymnyń 20 jyl ishindegi qyzmetin qorytyndylap, halyqaralyq jáne óńirlik kún tártibindegi eń ózekti máselelerdi talqylady. ShYU qyzmetin odan ári damytýdyń birinshi kezektegi mindetteri jáne uıymnyń basqa da kópjaqty qurylymdarmen ózara is-qımyl jasaý máseleleri qaraldy.

Óz sózinde Mınıstr M.Tileýberdi ShYU-nyń halyqaralyq qaýipsizdik pen óńirlik yntymaqtastyqty nyǵaıtýdaǵy róli men mańyzyn atap ótti. «Uıymnyń basqa múshelerimen birge Qazaqstan uıymnyń zor áleýetin tolyqqandy iske asyrýǵa óziniń turaqty túrde laıyqty úlesin qosýǵa umtylýda», - dedi Qazaqstan SІM basshysy.


Úndistan, Qazaqstan, Qytaı, Qyrǵyzstan, Pákistan, Reseı, Tájikstan jáne Ózbekstan Syrtqy ister mınıstrleri 2021 jylǵy qyrkúıekte Dýshanbede ótetin ShYU-ǵa múshe memleketter basshylary Keńesiniń otyrysyna daıyndyq barysyn maquldap, sondaı-aq Dýshanbe deklaratsııasy jáne mereıtoılyq sammıttiń basqa da qorytyndy sheshimderiniń jobalaryn bekitti.

Otyrys qorytyndysy boıynsha ShYU syrtqy ister mınıstrleriniń aqparattyq habarlamasy qabyldandy.

Sol kúni Syrtqy ister mınıstrleri deńgeıinde «ShYU – Aýǵanstan» Baılanys tobynyń otyrysy ótti, onyń barysynda qatysýshylar AIR-daǵy aǵymdaǵy áskerı-saıası jaǵdaıdy jáne ShYU-nyń Aýǵanstanmen odan ári yntymaqtastyq máselelerin talqylady.

Baılanys tobynyń Aýǵanstanmen kezdesý qorytyndysy boıynsha ShYU múshe memleketteri syrtqy ister mınıstrleriniń Birlesken málimdemesi qabyldandy.

Іs-shara aıasynda M.Tileýberdi Pákistan Syrtqy ister mınıstri Mahmýd Kýreshımen ekijaqty kelissózder júrgizdi. Taraptar ekijaqty yntymaqtastyq pen óńirlik yntymaqtastyqty nyǵaıtý máselelerin talqylady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT