Aýǵanstan energetıka salasyna ınvestorlar tartýdy josparlap otyr
2022 jylǵy 20 maýsym 18:00

Aýǵanstan energetıka salasyna ınvestorlar tartýdy josparlap otyr

KABÝL. QazAqparat – Aýǵanstannyń Energetıka jáne sý resýrstary mınıstrligi elektr energııasyn óndirý boıynsha 16 jobany anyqtady, dep habarlaıdy QazAqparat Ariana News agenttigine silteme jasap.

Mınıstrliktiń ókili Mavlavı Ahtar Mohammad Nasrattyń málimdeýinshe, 16 jobanyń 12-si jylý jáne kún energetıkasyna tıesili. Usynystar qarjy tartý úshin otandyq jáne Reseı, Iran, AQSh, Qytaı jáne Túrkııadan kelgen sheteldik ınvestorlarǵa berildi.

Qazirgi ýaqytta Aýǵanstan kórshi elderge elektr energııasy úshin jylyna shamamen 250 mıllıon dollar tóleıdi. Islam elinde birneshe gıdroelektrostantsııalardan, qazbaly otyn elektr stantsııalarynan jáne kún elektr stantsııalarynan barlyǵy 600 megavatt (MVt) elektr energııasy óndiriledi. Qosymsha 670 MVt Iran, Ózbekstan, Tájikstan jáne Túrkimenstannan ımporttalady.

Aıta keteıik, maýsym aıynyń basynda bılik Aýǵanstannyń Gerat qalasyna ottegi men maqta fabrıkalaryn salý úshin 4 mıllıon dollar ınvestıtsııa tartqan bolatyn.



Uqsas jańalyqtar
Qazaqstan halyqaralyq sý-energetıka konsortsıýmyn qurý ıdeıasyn alǵa tartyp otyr
2022 jylǵy 10 tamyz 22:05

Qazaqstan halyqaralyq sý-energetıka konsortsıýmyn qurý ıdeıasyn alǵa tartyp otyr

NUR-SULTAN. QazAqparat – Halyqaralyq sý-energetıkalyq konsortsıýmy Ortalyq Azııa óńiriniń sý-energetıkalyq resýrstaryn tıimdi paıdalanýdy qamtamasyz etedi. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Qazirgi ýaqytta Qazaqstan Respýblıkasy óńirlik deńgeıde Halyqaralyq sý-energetıkalyq konsortsıým qurý týraly máseleni belsendi túrde ilgeriletýde jáne tıisti kelisimniń jobasy pysyqtalyp jatyr. Halyqaralyq sý-energetıkalyq konsortsıýmyn qurý ırrıgatsııa men energetıkanyń múddelerin eskeretin Ortalyq Azııa óńiriniń sý-energetıkalyq resýrstaryn tıimdi paıdalanýdy qamtamasyz etetin uzaq merzimdi ornyqty tetikti qalyptastyrýǵa yqpal etetin bolady. Bul rette Halyqaralyq sý-energetıkalyq konsortsıýmy Ortalyq Azııadaǵy sý-energetıkalyq almasýǵa, jazda Tájikstan men Qyrǵyzstan óndiretin elektr energııasyn óndirýge (sýarýǵa sý jiberý), sý qoımalarynyń ırrıgatsııalyq rejımderin retteýge múmkindik beredi. Bul rette búkil elektr energııasyn óndirýshilerdiń múddesi saqtalýǵa tıis», - dep atap ótedi Úkimet basshysy jaýabynda.


Petropavlda jylytý maýsymy merzimge saı bastalady
2022 jylǵy 10 tamyz 17:51

Petropavlda jylytý maýsymy merzimge saı bastalady

PETROPAVL. QazAqparat – «Sevkazenergo» AQ bas dırektory Oleg Perfılov aldaǵy jylytý maýsymyna daıyndyq jumystarynyń qalaı ótip jatqandyǵyn aıtty, dep habarlaıdy QazAqparat tilshisi.

«Sevkazenergo» AQ bas dırektory Oleg Perfılov brıfıngte Petropavlda jylytý maýsymy kestege saı bastalatynyn jetkizdi. ıAǵnı qalalyq ákimdikten ótinish túsisimen-aq nysandar jylýǵa qosylady. Birinshi kezekte, qyrkúıektiń basynda ádettegideı áleýmettik nysandarǵa, keıin aıdyń sońyna qaraı páterlerge jylý beriledi.

«Páterler bıyl qysta sýyq bolady dep qorqýdyń, dúrligýdiń qajeti joq. Jylytqysh quraldaryn da satyp almańyzdar. 2-jylý-elektr ortalyǵyndaǵy jóndeý jumystary qalany jylýmen qamtýǵa áserin tıgizbeıdi», - deıdi Oleg Perfılov.

Sýyq túskenge deıin ortalyqtaǵy № 2, № 3 tútin murjalary tolyq iske qosylmaq.

«Qazir 1-tútin murjasy buzylyp jatyr, ony qyrkúıek aıynda buzyp bolamyz. Al 2-tútin murjasynda ishki jóndeý jumystary aıaqtalyp, iske qosyldy. Úshinshi murja tekserildi, olqylyqtar anyqtalǵan joq, qazir jumys istep tur. Al syrtqy jóndeý jumystaryn qazan aıynyń sońyna deıin aıaqtaımyz», - deıdi Oleg Perfılov.

Kásiporyn basshysynyń aıtýynsha, qazirgi ýaqytta qazandyqtar jóndelip jatyr. Jospar boıynsha tamyz aıynyń sońynda 5 qazandyq jumysqa daıyn bolady, qyrkúıek aıynyń sońyna deıin olardyń qataryna taǵy jeteýi qosylyp, jeltoqsan aıyna deıin barlyq 11 qazandyq jumys istemek.

Al jańa tútin murjasynyń qurylysy qazan aıynda bastalady dep josparlanǵan. Bıyl irgetasy qalansa, kelesi jyldyń sáýir aıynda jumys jalǵasady. Aldyn ala esep boıynsha onyń bıiktigi 180 metrge jetpek.


Mańǵystaýda elektr energııasyn urlaǵan bir top laýazymdy tulǵa sottaldy
2022 jylǵy 9 tamyz 14:00

Mańǵystaýda elektr energııasyn urlaǵan bir top laýazymdy tulǵa sottaldy

AQTAÝ. QazAqparat - Mańǵystaýda elektr jabdyqtaýshy uıymnyń 9 basshylyq qyzmetkeri esepteý quraldarynan elektr energııasyn urlaǵany úshin sottaldy, dep habarlaıdy QazAqparat tilshisi.

Sot bul isti aldyn ala sóz baılasý arqyly bopsalaýshylyq, salyq tóleýden jaltarý, toptasyp reıderlik áreket jasaý, laýazymdyq ókiletti teris paıdalaný boıynsha qaraǵan.

«9 laýazymdy tulǵa «SKZ», «Batyr», «Prıozernyı», «Rahat» qosalqy stantsııalaryndaǵy esepteý quraldarynan ruqsatsyz elektr energııasyn urlaǵan. Osylaısha «MAEK-Qazatomónerkásip» JShS-na jáne «MREK» AQ-ǵa asa iri mólsherde zalal keltirgen. Aıyptaýdyń keıbir baptary boıynsha sottalýshylardyń kinási jábirlenýshilerdiń, kýálardyń, ózderiniń aıǵaqtarymen, zattaı dáleldermen jáne basqa da materıaldarmen dáleldendi. Keıbir baptar boıynsha sottalýshylar olardyń áreketterinde qylmystyq quqyq buzýshylyqtar quramynyń bolmaýyna baılanysty aqtaldy. Prokýror barlyq sottalýshylardy kináli dep tanýdy jáne jaza taǵaıyndaýdy surady», - dedi Mańǵystaý oblystyq sotynyń baspasóz qyzmeti.

Sot elektr energııasyn urlaýshy toptyń 6 múshesine QK-niń 188-baby 4-bóligi 3-tarmaǵy boıynsha 5 jyl bas bostandyǵynan aıyrý jazasyn taǵaıyndady. Sondaı-aq ekeýin 7 jylǵa, bireýin 6 jylǵa sottady.

«MAEK-Qazatomónerkásip» JShS-nyń azamattyq talaby qanaǵattandyrylǵan. Keltirilgen 35 780 670 teńge kólemindegi shyǵyn óndirip alyndy.






Sot úkimi zańdy kúshine engen joq.


Jańalyqtar

Úrdis

MURAǴAT