Áýezovtiń mereıtoıyna arnalǵan Semeıdegi konferentsııaǵa 5 eldiń ǵalymdary qatysty

2022 jylǵy 28 qyrkúıek, 21:20
Áýezovtiń mereıtoıyna arnalǵan Semeıdegi konferentsııaǵa 5 eldiń ǵalymdary qatysty

ÓSKEMEN. QazAqparat – Semeı qalasynda Muhtar Áýezovtiń 125 jyldyǵyna arnalǵan konferentsııaǵa 5 eldiń ǵalymdary qatysty, dep habarlaıdy QazAqparat tilshisi.

Semeıdegi Shákárim atyndaǵy ýnıversıtette «Muhtar Áýezov jáne ult órkenıeti» atty halyqaralyq ǵylymı-tájirıbelik konferentsııa ótti. Zańǵar jazýshynyń 125 jyldyǵyna arnalǵan sharaǵa qazaqtyń ádebıeti men mádenıetine ózindik úles qosyp kele jatqan azamattar men Nıderland, Túrkııa, Qytaı jáne Ózbekstan elderiniń ǵalymdary qatysty.

Shara M.Áýezovtiń kemeńgerligi, daralyǵy men rýhanı murasyn nasıhattaýǵa, qazaq jáne álem ádebıetindegi aýdarma máselesine arnaldy. Jıynnyń saltanatty ashylýynda QR Ǵylym jáne joǵary bilim mınıstri Saıasat Nurbek, abaıtanýshy-akademık Ǵarıfolla Esim men Tashkent memlekettik ýnıversıtetiniń professory Abdýlla Ýlýgov sóz aldy.

Konferentsııa barysynda ál-Farabı atyndaǵy Qazaq ulttyq ýnıversıtetiniń professory Dandaı Ysqaquly «Muhtar Áýezovtiń aýdarmashylyq óneri», Kastamoný ýnıversıtetiniń professory Orhan Sóılemez «Kókserektiń kózimen Muhtar Áýezov», professor Arap Espenbetov «Muhtar Áýezovtiń bir maqalasy haqynda», dotsent Jandos Áýbákir «Muhtar Áýezovtiń daralyǵy», Sársen Amanjolov atyndaǵy Shyǵys Qazaqstan ýnıversıtetiniń professory Aıjan Qartaeva «Muhtar Áýezov murasyndaǵy túrki álemi» taqyryptarynda baıandama jasady.

Shákárim ýnıversıtetiniń rektory Baýyrjan Erdembekovtiń aıtýynsha, Abaı ańsaǵan, Áýezov armandaǵan tolyq adam, kemel tulǵany qalyptastyrý maqsatynda JOO-da «Abaı jáne ulttyq rýhanııat» ǵylymı-zertteý ortalyǵy ashyldy.

«Barlyq mamandyqtarda «Abaı álemi» páni oqytylady. Bul pándi oqyǵan árbir stýdent abaıtanýshy, ne muhtartanýshy bolyp ketpes, biraq izgilikke shaqyrǵan tulǵalar sózi ár stýdenttiń júregine tunsa – onda bizdiń maqsatymyzdyń oryndalǵany», - dedi JOO.

Konferentsııa aıasynda qatysýshylar jazýshynyń ádebı mektebi, ózi negizin qalaǵan «Abaı» jýrnalynyń búgingi taǵdyry, ǵylymı ómirbaıany, ulttyq qundylyq, ana tili, Áýezov shyǵarmalaryn sahnalandyrý máseleleri tóńireginde pikir almasty.

Sonymen qatar jıynda álemdik deńgeıdegi monýmentaldy óner týyndylaryn Áýezovtiń kórkem shyǵarmalaryndaǵy keıipkerlerge arnalǵan kompozıtsııalyq eskertkishter men IT ónimder, anımatsııalyq týyndylaryn jasaý kerektigi aıtyldy.


Seriktester jańalyqtary

Jańalyqtar