+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Áýejaıda ushaǵy keshikken jolaýshylarǵa qandaı qyzmetter kórsetiledi

2020 jylǵy 17 qańtar 16:16
Bólisińiz:
Áýejaıda ushaǵy keshikken jolaýshylarǵa qandaı qyzmetter kórsetiledi

NUR-SULTAN. QazAqparat – Qazirgi ýaqytta Nur-Sultan áýejaıynan ushyp shyǵatyn 16 jáne ushyp keletin 18 reıs ýaqytynan keshigip jatyr. Bul jaıynda Azamattyq avıatsııa komıtetiniń Facebook paraqshasynda jarııalanǵan aqparatta aıtylǵan, dep habarlaıdy QazAqparat.

«Aýa-raıynyń qolaısyzdyǵyna, atap aıtqanda qatty qarly boranǵa, ushý qaýipsizdigi úshin áýe kemelerin muzǵa qarsy suıyqtyqpen óńdeý júrgizýdiń múmkin emestigine baılanysty, Nursultan Nazarbaev halyqaralyq áýejaıyna kelip-ketetin ushaq reısteri keshigip jatyr. Qazirgi ýaqytta 16 reıs ushýǵa keshigýde. Olar: «Eır Astana« áýe kompanııasynyń 10 reısi (Shymkent-2 reıs, Atyraý, Óskemen, Almaty-2 reıs, Aqtóbe -2 reısi, Dýbaı, Novosıbırsk) jáne «SCAT« áýekompanııasynyń eki reısi (Almaty, Aqtaý). Sonymen qatar, Nur-Sultan-Ystanbul baǵyty boıynsha Turkish Airlines áýe kompanııasynyń reısi, Nur-Sultan-Dýbaı baǵyty boıynsha Flaıdýbaı áýe kompanııasynyń, Nur-Sultan-Frankfýrt baǵyty boıynsha Lıýftganza áýe kompanııasynyń, Nur-Sultan-Máskeý baǵyty boıynsha Aeroflot áýe kompanııasynyń reısi. Ushyp kelýge 18 reıs keshigýde. Olar: «Eır Astana« áýe kompanııasynyń 11 reısi (Almaty – 3 reıs, Qyzylorda, Shymkent - 2 reıs, Oral, Aqtóbe - 2 reıs, Óskemen, Novosibir), «SCAT« áýe kompanııasynyń 4 reısi (Almaty, Aqtaý, Atyraý, Máskeý), Qazaq Air áýe kompanııasynyń 2 reısi (Jezqazǵan, Óskemen) jáne Nur-Sultan-Máskeý baǵyty boıynsha FlyArystan áýe kompanııasynyń reısi», - delingen komıtet aqparatynda.

Aıta keterligi, «Qazaqstan Respýblıkasynyń áýe keńistigin paıdalaný jáne avıatsııalyq qyzmet týraly» Qazaqstan Respýblıkasynyń 2010 jylǵy 15 shildedegi Zańynyń 86-babyna sáıkes, reıs tasymaldaýshynyń kinásinen nemese keıinge qaldyrylǵannan keıin reıs toqtatylǵan nemese keshiktirilgen kezde, áýe kemesiniń kesh kelýine nemese tasymaldaý marshrýtynyń ózgerýine baılanysty reıs toqtatylady.

Ushý jáne aralyq pýnktterdegi jolaýshylar úshin mynadaı qyzmetter kórsetiledi:

1) jeti jasqa deıingi balasy bar jolaýshyǵa ana men bala úshin bólme (eger bar bolsa) berý;

2) reıstiń ushýyn eki saǵattan artyq kútip turǵan kezde bes mınýttan aspaıtyn eki telefon qońyraýy nemese elektrondyq poshta arqyly eki habarlama;

3) reıstiń ushýyn eki saǵattan artyq kútý kezinde alkogolsiz sýsyndarmen qamtamasyz etý;

4) reıstiń ushýyn tórt saǵattan artyq kútken kezde jáne odan ári ystyq tamaqpen qamtamasyz etý:

- ár alty saǵat saıyn - kúndiz;

- ár segiz saǵat saıyn - túnde;

5) tasymaldaýshy usynǵan qonaqúıde turý, reıstiń segiz saǵattan astam ýaqytty kútý kezinde - kúndiz jáne alty saǵattan artyq - túnde;

6) tasymaldaýshy usynǵan kólikpen áýejaıdan qonaqúıge jáne keri qaıtý, eger qonaq úı qosymsha aqysyz usynylsa.

Eger reıs tasymaldaýshynyń kinásinen on saǵattan astam ýaqytqa toqtatylsa nemese keshiktirilse, tasymaldaýshy jolaýshynyń tańdaýy boıynsha:

1) osy baptyń 1-tarmaǵyna sáıkes qyzmet kórsete otyryp, jolaýshy bılette kórsetilgen baǵytqa jaqyn reıspen tasymaldaýdy qamtamasyz etedi;

2) jolaýshyǵa bılettiń tolyq qunyn qaıtarady.

Eger kórsetilgen qyzmetter kórsetilmese, jolaýshylarǵa «Ákimshilik quqyq buzýshylyq týraly» 2014 jylǵy 5 shildedegi Qazaqstan Respýblıkasy Kodeksiniń 567-babyna sáıkes áýe kompanııalardy ákimshilik jaýapkershilikke tartý úshin ýákiletti organǵa habarlasý usynylady.

«Bul rette meteojaǵdaılar boıynsha áýe reısterdi keshiktirý nemese toqtatý áýe tasymaldaýshynyń kinási bolyp tabylmaıdy. Aýa-raıy boljamyna sáıkes, el aýmaǵynda qolaısyz meteojaǵdaılar saqtalady. Osyǵan baılanysty jolaýshylarǵa reısterdiń jaǵdaıyn call-ortalyqtar men áýe kompanııalardyń resmı saıttarynda aldyn-ala bilýge keńes beriledi. «Eır Astana» áýe kompanııasynyń baılanys ortalyqtary: Almaty q. +7 7272 444477, Astana q. +7 7172 584477, uıaly telefon: +7 702 702 4477. SCAT áýe kompanııasynyń baılanys ortalyǵy +7 7252 998880. Barlyq jolaýshylardan aýa-raıynyń qolaısyzdyǵyna baılanysty áýe reısteriniń keshigýine túsinistikpen qaraýdy suraımyz»,- delingen taratylǵan aqparatta.

Eske salsaq, elorda áýejaıynda boranǵa baılanysty 14 reıs keıinge qaldyrylǵany týraly buǵan deıin habarlaǵan bolatynbyz .


Bizdiń kanalymyzǵa jazylyńyz:

Basty sózder: Nur-Sultan, Qoǵam, Aýa raıy,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT