+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Áýejaıda eldiń mazasyn alyp, polıtseılerge qarsylyq kórsetken eki mas jolaýshyǵa aıyppul salyndy

2020 jylǵy 28 qazan 17:17
Bólisińiz:
Áýejaıda eldiń mazasyn alyp, polıtseılerge qarsylyq kórsetken eki mas jolaýshyǵa aıyppul salyndy

NUR-SULTAN. QazAqparat - Kólik polıtseıleri elorda áýejaıynda Almaty qalasynyń eki turǵynyn ákimshilik quqyq buzýshylyq úshin jaýapkershilikke tartty, dep habarlaıdy QazAqparat.

25 qazanda Nur-Sultan qalasynyń áýejaıyndaǵy jelilik polıtsııa bólimine Nursultan Nazarbaev halyqaralyq áýejaıy tekserý qyzmetiniń ınspektory eki jolaýshyǵa qatysty shara qabyldaý týraly ótinishpen keldi.

Onyń aıtýynsha, olar balaǵat sózder aıtyp, ózderin dóreki ustaǵan, sóıtip «FlyArystan» áýekompanııasynyń «Nur-Sultan – Almaty» baǵytyndaǵy reısine otyrǵyzý talonynsyz ótýge tyrysqan.

Oqıǵa ornynda áýejaıdaǵy polıtsııa qyzmetkerleri olardy tynyshtandyrýǵa tyrysqanymen, olar tártip saqshylarynyń eskertýine qulaq aspaı, baǵynbaǵan.

Tekserý barysynda kólik polıtseıleri olardyń 1985 jáne 1986 jyly týǵan Almaty qalasynyń turǵyndary ekenin anyqtady.

Medıtsınalyq kýálandyrý qorytyndysyna sáıkes atalǵan azamattar jeńil dárejedegi alkogoldi mas bolǵan.

Osy fakti boıynsha polıtseıler QR ÁQBtK 440-babynyń 1-bóligi, QR ÁQBtK 667-babynyń 1-bóligi jáne QR ÁQBtK 434-babynyń 1-bóligi boıynsha birden úsh ákimshilik hattama toltyrdy.

Qoǵamdyq orynǵa mas kúıde kelý faktisi boıynsha olarǵa 5 AEK mólsherinde aıyppul salyndy, sondaı-aq ákimshilik materıaldar protsessýaldyq sheshim qabyldaý úshin Almaty qalasynyń mamandandyrylǵan aýdanaralyq ákimshilik sotyna joldandy.


Bizdiń kanalymyzǵa jazylyńyz:

#Nur-Sultan   #Oqıǵa   #Zań   #Kólik  
Bólisińiz:

Avtor:

Aıaýlym Altynbek

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT