Aýa raıynyń qolaısyzdyǵynan AQSh-ta 2,5 myńnan astam reıs keshigýge májbúr boldy

2022 jylǵy 28 qarasha, 10:13
Aýa raıynyń qolaısyzdyǵynan AQSh-ta 2,5 myńnan astam reıs keshigýge májbúr boldy

VAShINGTON. QazAqparat – AQSh-tyń iri qalalarynda qolaısyz aýa raıyna baılanysty (jańbyr, daýyldy jel men qar) 63 reıs toqtap, jeksenbi kúni tańerteń taǵy 2 564 áýe reısi keshigýge májbúr boldy, dep habarlaıdy QazAqparat menshikti tilshisi.

FlightAware.com málimetteri boıynsha Alǵys aıtý kúnine saparlaryn josparlaǵan 55 mıllıonǵa jýyq adam qolaısyzdyqqa tap boldy.

Jeksenbi kúni eldiń ońtústik-shyǵysynda Tennessı shtatynyń Memfıs pen Neshvıll, Kentýkkıdegi Lýısvıll jáne Soltústik Karolınadaǵy Ashvıll qalalarynda shamamen 14 mıllıon adamǵa jeldiń ekpini saǵatyna 40-56 km bolatyny týraly eskertildi. Kentýkkı shtatynda quıyn jyldamdyǵy saǵatyna 85 km-ge jetti.

Sol kúni Soltústik-Shyǵys jáne Ońtústik-Shyǵys shtattaryna, orta Atlantıkaǵa jáne Uly kólder aımaqtaryna qatty jańbyr jaýdy. Ol Chıkago, Sent-Lýıs, Detroıt, Indıanapolıs, Klıvlend, Atlanta, Neshvıll, Tennessı, Sharlott, Vashıngton, Nıý-Iork jáne Boston sııaqty qalalarda tańerteńgi reısterge qaýip tóndirdi. Daýyldyń saldarynan jaýyn-shashynnyń jalpy mólsheri eldiń shyǵys bóliginde 12,7 mm-den 31,75 mm-ge deıin boldy.

Jeksenbi kúni eń qalyń qar ıÝta, Vaıomıng jáne Kolorado shtattaryna jaýdy. Meteorologııalyq qyzmettiń málimetteri boıynsha jaýyn-shashynnyń jalpy mólsheri 15,24 sm-den 30,48 sm-ge deıin boldy, al joǵary bıiktikte qar odan da qalyń jaýǵan bolýy múmkin. Bul aımaqta jeldiń ekpini saǵatyna 48-den 80 km-ge deıin boldy, saldarynan jol kórinisi aıtarlyqtaı nasharlap, saparlarǵa qaýipti tóndirdi.


Ashyq kózderden alynǵan foto



Uqsas jańalyqtar
Tegı:
AQSh   Álem   Aýa raıy  
Seriktester jańalyqtary

Jańalyqtar