Atyraýlyq polıtseıler tútinge oranǵan úıden úsh balany alyp shyqty

ATYRAÝ. QazAqparat – Atyraý oblysy Aqqystaý kentinde polıtseıler tútinge oranǵan úıden úsh balany alyp shyǵyp, órttiń aldyn aldy, dep habarlaıdy QazAqparat tilshisi.

Uqsas jańalyqtar

Kókshetaýda jataqhanadaǵy órtten 120 adam evakýatsııalanyp, 1 adam mert boldy

«ArselorMıttalTemırtaýdyń» kómir shahtasynda órt boldy Atyraýda bes qabatty turǵyn úıdegi órt sóndirildi Atyraýda bes qabatty turǵyn úı órtenip jatyr

«Jeke úıde gaz qazandyǵy janyp jatqan kezde 15, 7 jáne 6 jastaǵy úsh bala bolǵan. Úıde eresek adamdar bolmaǵan – olar týystarynyń jerleýine ketken. Patrýldik polıtsııa ınspektorlary Ǵalymjan Naýanov pen Bekjan Muratqalıev órt týraly habar túskennen keıin shuǵyl kómekke ketken», - dedi PD baspasóz qyzmetinen.

Turǵyn úıdiń qazandyǵynyń gaz trýbasynan órt shyqqan. Úıdi qoıý tútin basyp qalǵan. Polıtseıler úıge kirip, uıyqtap jatqan 6 jasar qyzdy oıatyp, úsh balany da qaýipsiz jerge alyp shyqqan.

«Taıaýda polıtsııa departamenti bizge ámbebap qutqarý jıyntyǵyn bergen edi, sol keregimizge jarady. Órt sóndirgishti alyp, ashyq alaýǵa qaraı bardyq. Kórshiler shelek alyp, ózderi órtti sóndirýge árekettengen. Biraq, ony sóndirý múmkin bolmaǵan. Biz órt sóndirgishpen sóndirdik», - dedi Ǵalymjan Naýanov.

Úsh balanyń anasy áleýmettik jelide polıtseılerge alǵys aıtty.

Avtor: A. Sokolov