+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Atyraýlyq parataekvondoshy «Tokıo-2020» oıyndarynda baq synamaq

2019 jylǵy 4 jeltoqsan 07:36
Bólisińiz:
Atyraýlyq parataekvondoshy «Tokıo-2020» oıyndarynda baq synamaq

ATYRAÝ.QazAqparat- Qazaqstan Respýblıkasy Ulttyq Olımpıada komıtetiniń uıymdastyrýymen ótken «Altyn Samǵaý - 2019» sporttyq syılyǵynda «eń úzdik paralımpıadalyq sportshy» atalymynda atyraýlyq Nurlan Dombaev jeńimpaz bolyp tanyldy, dep habarlaıdy QazAqparat tilshisi.

Nurlan Dombaev bıyl aqpan aıynda Túrkııada ótken álem birinshiliginiń altyn alqasyn aldy. Osylaısha, parataekvondodan eki dúrkin álem chempıony atandy. Shildede Iordanııada ótken birinshilikte Azııa chempıony, qarashada Italııada bolǵan týrnırde Eýropa chempıony boldy. Osylaısha, Nurlan Dombaev 2019 jyly ótken baıraqty básekelerdiń bárinde kók baıraǵymyzdy jelbiretip, ánuranymyzdy shyrqatty. Parataekvondoǵa 2014 jyly kelse de, búginde Nurlan 75 keli salmaqta qarsylas shaq keltirmeı, parataekvondoshylardyń álemdik reıtınginde kósh basynda tur. Endigi maqsat, keler jyly Japonııada ótetin Paralımpıada oıyndarynda úzdik tanylý.

«Bala kezimnen sportqa jaqyn edim. Fýtbol, basketbol, odan qalsa karate, taekvando sııaqty shyǵys jekpe-jekterin jaqsy kóretinmin. Eki qolymnan aırylǵannan keıin parataekvondoǵa qatysý týraly oılaı bastadym. 2016 jyly jarystarǵa shyǵyp, sol jyly-aq Eýropa chempıony atandym. Men sporttan óz jolymdy taptym dep oılaımyn. Sportqa kelgeli dostarymnyń da qatary kóbeıdi. Jalpy, qaı sportshynyń da armany Olımpıada chempıony ataný. Sol armanyma jetem degen nıettemin», - deıdi Nurlan Dombaev. Aıta keteıik, 38 jastaǵy Nurlan Dombaev eki dúrkin álem, eki dúrkin Azııa jáne eki dúrkin Eýropa chempıony atanǵan alǵashqy atyraýlyq sportshy.

Bizdiń kanalymyzǵa jazylyńyz:

Basty sózder: Atyraý oblysy, Sport,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT