Atyraýlyq paradzıýdoshy Amanjol Janbota Gran Prı saıysynyń jeńimpazy atandy
2022 jylǵy 25 sáýir 14:47

Atyraýlyq paradzıýdoshy Amanjol Janbota Gran Prı saıysynyń jeńimpazy atandy

ATYRAÝ. QazAqparat – Atyraýlyq paradzıýdoshy Amanjol Janbota Gran Prı saıysynyń jeńimpazy atandy, dep habarlaıdy QazAqparat.

Oblystyq sport jáne dene shynyqtyrý basqarmasynyń baspasóz qyzmetinen málim etkendeı, 22-24 sáýirde Túrkııanyń Antalııa qalasynda paradzıýdodan Gran Prı saıysy ótken.

«Álemniń 19 eliniń paradzıýdoshylary baq synaǵan saıysta Qazaqstan ulttyq quramasy 1 altyn, 1 kúmis jáne 2 qola júldemen jalpy komandalyq esepte úshinshi orynǵa ıe boldy. Atalǵan saıysta J2 sanatynda 90 keli salmaqta atyraýlyq Amanjol Janbota Gran Prı saıysynyń jeńimpazy atandy. Ol aqtyq synda taǵy bir atyraýlyq sportshy Ǵalymjan Smaǵululyn utty», - dep habarlady basqarmanyń baspasóz qyzmeti.

Belgili bapkerler Jandos Qııanov pen Naran Eshibaev jattyqtyratyn paradzıýdoshylar byltyr Tokıoda ótken paralımpıadaǵa qatysqan bolatyn.

Eske sala ketelik, ótken jyly atyraýlyq paradzıýdoshylar budan buryn Paralımpıada qazaqstandyq dzıýdoshy Ánýar Sarıev, odan soń Dáýlet Temirjan, keıin Zarına Baıbatına kúmis júldeger atanǵan edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT