+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Atyraýlyq oqýshy plastıkten kirpish jasady

2019 jylǵy 17 qarasha 15:30
Bólisińiz:
Atyraýlyq oqýshy plastıkten kirpish jasady

ATYRAÝ.QazAqparat – Atyraý qalasyndaǵy Nazarbaev Zııatkerlik mektebiniń 10-synyp oqýshysy Ermek Keńesov hımııany meńgerý barysynda qurylysqa qajet kirpishtiń jańa túrin oılap tapty, dep habarlaıdy QazAqparat tilshisi.

«Men bul jobany zertteý ústinde BUU-nyń derekteri boıynsha plastıkalyq qaldyqtar jyl saıyn álemde 1 mıllıonnan astam qustyń ólimine, 100 myńǵa jýyq sýdaǵy sútqorektiler men balyqtardyń joıylýyna sebepshi bolatynyn anyqtadym. Plastıkalyq paketter Tynyq muhıtynda qoqystardyń aralyna aınalyp barady. Munyń barlyǵy antropogendik áreketterdiń saldarynan týyndaıtyny shyndyq», – deıdi Ermek.

Jas ónertapqyshtyń aıtýynsha, mundaı jaǵdaıdan shyǵýdyń joly — plastıkalyq qaldyqtardy óńdeý arqyly qaıta qoldaný. Ermek bul ıdeıasyn is júzinde dáleldeý úshin kádimgi qıyrshyq tas, topyraq jáne plastmassalyq qaldyqtardy paıdalana otyryp plastkirpish jasap shyǵardy. Aldymen ol ónimniń ekonomıkalyq tıimdiligin anyqtaý maqsatynda polımerdiń addıtıvtik jáne kondensatsııalyq qasıetterin fızıka men hımııa páninde zerttegen. Sondaı-aq kóptegen derekterdi ǵalamtor jáne dástúrli ádebıetterden izdegenin aıtady. Keıin plastmassalardy bólshekteý úshin tipti qatty kartonnan gıdravlıkalyq apparat jasaǵanyn aıtty.

Tájirıbeniń sońynda plastkirpish daıyn bolyp jobanyń jumysy sátti aıaqtaldy. Alǵashqy ónim naryqtaǵy kirpishten kem emes. Sebebi onyń tyǵyzdyǵy, sýdy sińirýi jáne aıazǵa turaqtylyǵy talapqa jaýap beredi.


Qazirgi tańda Ermek plastkirpishti kóptep shyǵarý úshin óndiris ashýǵa nıetti. Ol úshin mektep oqýshysy arnaıy bıznes-jospar quryp, kirister men shyǵystardy eseptep qoıǵan.

«Plastıkalyq qaldyqtardy qaıta óńdeý naryqtaǵy plastmassalyq óndiristi azaıtýdyń eń tıimdi joly», - deıdi Ermek Keńesov.


Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT