Atyraýdyń Jylyoı aýdanynda sport kesheni ashyldy
2021 jylǵy 30 qarasha 06:20

Atyraýdyń Jylyoı aýdanynda sport kesheni ashyldy

ATYRAÝ. QazAqparat – Táýelsizdiktiń 30 jyldyq mereıtoıy jáne Tuńǵysh Prezıdent kúni qarsańynda Atyraý oblysynyń Jylyoı aýdanynda sport kesheni ashyldy, dep habarlaıdy QazAqparat.

Jańa nysan Jylyoı aýdanyndaǵy Turǵyzba aýylynda boı kótergen. Sport kesheniniń aýmaǵy – 4 myń sharshy metr.

Eki qabatty keshendegi kúres, boks, fýtbol, volleıbol, basketbol, ústel tennısi zaldary zamanaýı jabdyqtarmen qamtylǵan. Sport kesheniniń syrtyndaǵy aýmaqta fýtbol, basketbol alańdary qarastyrylǵan.

«Jaqynda el Táýelsizdiginiń 30 jyldyq mereıtoıyn atap ótemiz. Memleket basshysy Qazaqstan halqyna arnaǵan Joldaýynda dene shynyqtyrý men sporttyń mańyzdylyǵyna erekshe toqtalǵan edi. Sol sebepten, mundaı zamaýnaýı sport keshenderi buqaralyq dene shynyqtyrýdy odan ary damytýǵa jol ashady. Bul – áleýmettik salada júzege asyyrylǵan memlekettik saıasattyń bir aıǵaǵy» -dedi jańa nysannyń ashylýyna qatysqan oblys ákimi Mahambet Dosmuhambetov.

Ákimniń aıtýynsha, Táýelsizdik rýhymen ósip kele jatqan jas býynnyń buqaralyq sportpen aınalysýyna qoldaý jasala beredi.

Eske sala ketelik, buǵan deıin Atyraý oblysynda 300 oryndyq sport kesheni ashylǵanyn habarlaǵan edik.


Seriktester jańalyqtary

Jańalyqtar

Úrdis

MURAǴAT