+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Atyraýdan Reseıge shyǵatyn joldy jóndeý qalaı júrýde

2021 jylǵy 13 shilde 19:53
Bólisińiz:
Atyraýdan Reseıge shyǵatyn joldy jóndeý qalaı júrýde

ATYRAÝ. QazAqparat – Senat depýtaty Ǵumar Dúısembaev pen Atyraý oblysynyń ákim Mahambet Dosmuhambetov «Aqtóbe-Atyraý-Reseı Federatsııasy shekarasy» baǵytyndaǵy avtomobıl jolynyń Atyraý oblysy aýmaǵyndaǵy bóligin jóndeý jumysymen tanysty, dep habarlaıdy QazAqparat.

Uqsas jańalyqtar
Memleket basshysy Atyraý oblysynyń ákimin qabyldady Almatyda eki kóshe qala shegine deıin uzartylady Atyraý oblysynda bıyl 16 ana ólimi tirkelgen

Oblys ákimi Mahambet Dosmuhambetovtiń málimetinshe, bıyl jalpy uzyndyǵy 277 shaqyrymdy quraıtyn joldyń 60 shaqyrymyn jóndeý aıaqtaý josparlanǵan. Qazir onyń 20 shaqyrymy paıdalanýǵa berilgen. Al, qalǵan 40 shaqyrymdyq joldy jóndeý qarqyn alǵan.

«Qazavtojol» AQ ulttyq kompanııasy tapsyrys bergen merdiger mekemelerde 226 adam turaqty jumyspen qamtylyp, 78 arnaıy tehnıka jumyldyrylǵan. Sondaı-aq, 217 shaqyrymdyq ýchaskede joldyń negizgi qabatyn ornalastyrý, kommýnıkatsııa jelilerin aýystyrýmen qatar, 25 sý ótkizetin qubyr tóseý júrgizilýde. Belgilengen aýmaqtaǵy jumysty atqarýǵa 183 arnaıy tehnıka men 367 adam tartylǵan. Buǵan qosa, joldyń sapasyn anyqtaıtyn zerthanalar jumys isteýde.

«Memleket basshysy avtokólik joldaryn jańǵyrtýǵa, ásirese, sapasyna basa mán berip otyr. Ákimdik tarapynan mańyzdy jobany júzege asyrý úshin jan-jaqty qoldaý kórsetiledi. Sondyqtan, jaýapty merdiger mekemelerge jol qurylysynyń zamanaýı talaptarǵa saı ári sapaly bolýyna, qaýipsizdik máselesine nazar aýdaryp, jumysty belgilengen merzimde aıaqtaýy tıis» -dedi oblys ákimi Mahambet Dosmuhambetov.

Jobaǵa sáıkes, atalǵan jol 6 jolaqty bolady. Jol jóndeý jumystaryn 2022 jyldyń sońyna deıin aıaqtaý josparlanyp otyr.

Eske sala ketelik, budan buryn «Qandyaǵash-Maqat» tas jolyndaǵy jol jumystary jyl sońyna deıin aıaqtalatyny habarlanǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT