Atyraýdan Almatyǵa 10 myń doza vaktsına jetkiziledi
2022 jylǵy 6 shilde 13:20

Atyraýdan Almatyǵa 10 myń doza vaktsına jetkiziledi

ALMATY. QazAqparat - Almatyǵa Pfizer vaktsınasynyń 10 myń dozasy jetkiziledi. Bul týraly qalalyq qoǵamdyq densaýlyq saqtaý basqarmasynyń baspasóz qyzmeti málim etti, dep habarlaıdy QazAqparat tilshisi.

Almaty qalalyq qoǵamdyq densaýlyq saqtaý basqarmasy taratqan málimetke sáıkes, 2021 jyldyń 1 aqpany men 2022 jylǵy 5 shilde aralyǵynda koronavırýs ınfektsııasyna qarsy ekpeniń birinshi dozasy 1 227 967 adamǵa egildi. Onyń ishinde vaktsınanyń eki komponentin 1,1 mln astam adam alǵan. Revaktsınatsııadan 496 723 almatylyq ótti.

«5 shilde kúni 1 023 almatylyq vaktsına saldyrdy. Qazir qalada 96 pýnkt jumys istep tur. 340 adamnan turatyn 103 ekpe brıgadasy bar. Qala halqyn koronavırýs ınfektsııasyna qarsy vaktsınalaý úshin ekpe mólsheri jetkilikti . Atyraýdan Almatyǵa taǵy 10 myń doza Pfizer vaktsınasy jetkiziledi», - dep naqtylady Almaty qalalyq qoǵamdyq densaýlyq saqtaý basqarmasynyń baspasóz qyzmeti.


Uqsas jańalyqtar

Jańalyqtar

Úrdis

MURAǴAT