Valıýta baǵamdary:
    usd/kzt 422.01 eur/kzt 452.06

    rub/kzt 6.75 cny/kzt 62.72
Aýa raıy:
Nur-Sultan: 1 °S
Almaty: 15 °S

Atyraýdaǵy jol apaty: bir adam mert bolyp, ekeýi aýrýhanaǵa tústi

2022 jylǵy 26 qańtar 13:15

ATYRAÝ. QazAqparat – Atyraýda 1,5 saǵatta úsh jol-kólik apaty tirkeldi. Jol apatynan bir adam kóz jumyp, ekeýi aýrýhanaǵa tústi, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, jol-kólik oqıǵasynyń úsheýi de búgin, 26 qańtarda bolǵan.

Tańerteńgi saǵat 08:00 shamasynda «Toyota Corolla» avtokóligi «Atyraý-Erkinqala» tas jolymen kele jatyp, «Jumysker» shaǵyn aýdanynyń tusynda joldan taıyp ketken. Sóıtip, qarsy baǵyttaǵy «Audi A6» avtokóligimen soqtyǵysqan.

Al, saǵat 08:20 shamasynda «Atyraý-Damby» tas jolynyń boıynda «Lada Priora» markaly avtokóligi qarsy baǵytynda kele jatqan «Kia Rio», «VAZ – 2112» markaly avtokólikterine túıisti.

«Jol-kólik apatynyń saldarynan «Kia Rio» avtokóliginiń júrgizýshisi men «VAZ – 2112»

avtokóliginiń jolaýshysy oblystyq aýrýhanaǵa jetkizildi. Al, «Lada Priora» avtokóliginiń

46 jastaǵy jolaýshysy oqıǵa ornynda kóz jumdy», -dep málim etti departamenttiń baspasóz qyzmetinen.

Úshinshi jol-kólik apaty saǵat 09:30 shamasynda tirkelgen. «Toyota Prado» avtokóliginiń júrgizýshisi «Atyraý-Oral» tas jolynyń boıyndaǵy «Bereke» aýylynan asqan tusta aldyndaǵy kólikti basyp ozýǵa tyrysqan. Tap sol kezde solǵa burylmaq bolǵan «VAZ – 2114» avtokóligine, sodan soń jol jıegindegi elektr baǵanasyna soqtyǵysqan. Qazir elektr jelisine keltirilgen materıaldyq shyǵyn kólemi anyqtalyp jatyr.

Eske sala ketelik, budan buryn Atyraý oblysynda kólikten shyqqan órt turǵyn úıdi

sharpyǵanyn habarlaǵan edik.


Avtor:

Bek Mustafa

Novostı po teme
Uqsas jańalyqtar