+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Atyraýdaǵy Damby aýylynyń saılaýshylary 3 úmitkerdiń birin tańdaıdy

2021 jylǵy 25 shilde 14:58
Bólisińiz:
Atyraýdaǵy Damby aýylynyń saılaýshylary 3 úmitkerdiń birin tańdaıdy

ATYRAÝ. QazAqparat – Atyraý qalasyna taıaý ornalasqan Damby aýylynda 1 891 saılaýshy tirkelgen. Olar 3 úmitkerdiń birin tańdaıdy, dep habarlaıdy QazAqparat.

Uqsas jańalyqtar

Damby aýyldyq okrýgindegi №68 saılaý ýchaskesi Amangeldi atyndaǵy mektepke ornalasqan. Ýchaskelik saılaý komıssııasynyń hatshysy Mereke Taırovtyń málimetinshe, bul aýylda 3 600-den astam turǵyn bar. Onyń ishinde daýys berý quqyǵy bar 1 891 saılaýshy tirkelgen.

«Saılaý ýchaskesi tańǵy saǵat 7:00-de ashyldy. Bul aýyldan ákim laýazymyna 3 úmitker tirkeldi. Saılaý ýchaskesi ashylǵan sátte alǵashqy bolyp aýyl turǵyny Albert Mashqalıev ózi tańdaǵan úmitkerge daýys berdi. Jergilikti ýaqytpen saǵat 10:00-ge deıin 234 saılaýshy óz tańdaýyn jasady» -deıdi Mereke Taırov.

Onyń aıtýynsha, saılaýshylardyń jasyryn daýys berýi úshin 5 kabına ornatylǵan. Al, múmkindigi shekteýli jandarǵa arnalǵan taǵy bir kabına jabdyqtalǵan. Araqashyqtyqty saqtaý jónindegi nusqaýlyqtar ilingen. Saılaý ýchaskesiniń kireberisinde saılaýshylardyń dene qyzýy ólshenedi. Solan soń «Ashyq» júıesindegi QR kod arqyly ótkiziledi. Saılaýshylar daýys bergen soń basqa esik arqyly syrtqa shyǵady.

«Saılaý ýchaskesine kele almaıtyn, múmkindigi shekteýli nemese egde jastaǵy turǵyndar úshin arnaıy ókil úıine baryp, daýys berýine múmkindik jasaıdy. Sondaı saılaýshylardan 36 ótinish tústi. Túski saǵat 12-ge deıin turǵyndardan túsken ótinishter jınaqtalyp, jyljymaly daýys berý sharalary uıymdastyrylady» deıdi M.Taırov.

Bul aýylda daýys berýge otbasymen kelgender de bar. Sonyń biri – mektep muǵalimi Botagóz Madaǵaeva kúıeýimen, ata-enesimen birge tańdaýyn jasady.

«Mektepte muǵalim bolyp jumys isteımin. Osynda turatyn bolǵandyqtan, aýyldyń bolashaǵyna beı-jaı qaraı almaımyz. Aýylymyz órkendep, turǵyndardyń ál-aýqaty jaqsarǵanyn qalaımyz. Bizdiń aýylda belsendi jastar kóp. Olar ashyq alańda ár túrli sporttyq týrnır uıymdastaryp, jas býynnyń, ásirese, mektep oqýshylarynyń salamatty ómir saltyn ustanýyna atsalysyp júr. Jas volonterler qaıyrymdylyq aktsııalaryn ótkizip, turmysy tómen otbasylarǵa baspana men azyq-túlik sebetin syılap keledi. Aýyl ákimi qazaqtyń qaıyrymdylyq qaǵıdasyn ónegeli isimen dáleldep júrgen osyndaı belsendi jastarǵa qoldaý bildirse, turǵyndardyń aýyzbirshiligi artyp, jaman ádetten arylǵan bolar edi» -deıdi Botagóz Madaǵaeva.

Eske sala ketelik, budan buryn Atyraý oblysynda 36 saılaý ýchaskesinde daýys berilip jatqanyn, saılaýshylar belsendiligi baıqalyp, ákim saılaýyn 125 baıqaýshy baqylaǵanyn habarlaǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT