+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Atyraýdaǵy balyq qyrylǵan arnadan sý synamasy alyndy

2020 jylǵy 29 sáýir 14:59
Bólisińiz:
Atyraýdaǵy balyq qyrylǵan arnadan sý synamasy alyndy

ATYRAÝ. QazAqparat - Atyraý oblysyndaǵy Prımorsk kanalynda balyq qyrylýyna baılanysty Qazgıdromet mamandary «Aqjaıyq» tabıǵı rezervatynyń aýmaǵynda jospardan tys úshinshi ret sý synamasyn aldy, dep habarlaıdy QazAqparat «Qazgıdromet» baspasóz qyzmetine silteme jasap.

«27 sáýirde Prımorsk kanalynda balyqtyń qyrylýy taǵy qaıta anyqtalǵandyqtan QR Ekologııa, geologııa jáne tabıǵı resýrstar mınıstrligi «Qazgıdromet» RMK Atyraý oblysy boıynsha fılıalynyń qyzmetkerleri jospardan tys úshinshi ret birneshe núkteden synama aldy. «Aqjaıyq» rezervaty beketine jaqyn kópir mańynda, «Aqjaıyq» beketindegi aǵystany 6,5 km tómen tusta tekserý úshin sý jınaldy», delingen habarlamada.

Gıdrologııalyq derek boıynsha 26-27 sáýir aralyǵynda Jaıyq ózeniniń deńgeıi 25 sáýirde sý deńgeıi kóterilýinen keıin 5-17 sm tómendedi.

«Sý sapasyn taldaý basty ıondar, bıogendi, organıkalyq jáne organıkalyq emes zattar, aýyr metaldar sekildi 39 kórsetkish boıynsha júrgiziledi. Taldaý nátıjesi boıynsha sý laılanǵan, sýdyń temperatýrasy 15-17ºS, sýtegi kórsetkishi - 6,97-7,48, erigen ottegi - 7,1-7,2 mg/dm3, ottegi qanyǵýy -71,7 – 73,8 %, móldirligi - 5,5-7 sm, túsi - 19,5-20 gradýs. Sýdan bóten ıis tabylmady. Prımorsk kanalynda alynǵan synamada temir mólsheri sý sapasynyń biryńǵaı jiktemesiniń shekti normasynan 1,7 ese asyp ketken (0,5 mg/dm3) (1,7 ese asyp ketý). Al bql kórsetkish «Aqjaıyq» beketinde 6 km tómen jerde norma sheginde tirkeldi», delingen habarlamada.

1 mamyrda 5 táýlik ishinde shyǵatyn «ottegini bıohımııalyq tutyný (5)» taldaý nátıjesi jarııalanady.

Eske sala ketsek, 21 sáýirde Prımorsk kanalynyń Jaıyqqa qaraı aǵatyn salasynda balyq qyryldy. Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmettiń aıtýynsha, sol tustan 3,7 tonna óli balyq jınalyp alynǵan.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT