Atyraýda jyl basynan beri kúıik shalǵan 6 bala qaıtys bolǵan
2022 jylǵy 20 mamyr 16:29

Atyraýda jyl basynan beri kúıik shalǵan 6 bala qaıtys bolǵan

ATYRAÝ. QazAqparat – Atyraýda jyl basynan beri kúıik shalǵan 6 bala qaıtys boldy, dep habarlaıdy QazAqparat.

Atyraý oblystyq balalar aýrýhanasy dırektorynyń orynbasary Oryndyq Sıplovanyń aıtýynsha, bıyl balalar arasynda kúıik shalý deregi kóbeıgen.

«Byltyrǵy 4 aıda 137 balany kúıik shalǵan bolatyn. Olardyń arasynan birde-bir bala qaıtys bolmaǵan edi. Al, bıylǵy qańtar-sáýir aılarynda kúıik shalǵan 185 derek tirkeldi. Onyń ishinde 6 bala qaıtys boldy. Ótken jylǵy 4 aıda aýrýhanaǵa hımııalyq kúıik alǵan balalar túspegen edi. Bıylǵy osy kezeńde osyndaı jaraqatpen 9 bala tústi. Byltyr 50 bala termııalyq kúıikpen aýrýhana dárigerlerine júginse, bıyl olardyń sany 88-ge jetti. Balalardy kúıik shalýdyń basty sebebi – ata-analardyń balalarynyń áreketine nemquraılyq tanytýy», - deıdi aýrýhana dırektorynyń orynbasary Oryndyq Sıplova.

Balalar aýrýhanasy jansaqtaý bóliminiń aǵa medbıkesi Qymbat Dúısenǵalıevanyń pikirinshe, mundaı oqys oqıǵa ata-analardyń telefonǵa alańdaýyna týyndap otyr. Óıtkeni, ata-analar telefon qońyraýyna jaýap berý, WhatsApp messendjerine habarlama jazý kezinde balalaryn qaraýsyz qaldyrady.

Eske sala ketelik, buǵan deıin Atyraýda elordalyq dárigerler 5 balaǵa ota jasaǵanyn habarlaǵan bolatynbyz.


Avtor:
Tilshi

Jańalyqtar

MURAǴAT