Atyraýda «Jolda qabyldaý» aktsııasy arqyly turǵyndar joǵaltqan zattaryn tapty

ATYRAÝ. QazAqparat – Atyraýda «Jolda qabyldaý» aktsııasy arqyly turǵyndar taksıde nemese kezdeısoq mingen kólikte qaldyryp ketken zattaryn taýyp aldy, dep habarlaıdy QazAqparat.

Uqsas jańalyqtar

Mas júrgizýshi 10 jylǵa kólik basqarý quqynan aıyrylýy múmkin

Aqtóbede 3 kúnde 100-ge jýyq tabıǵatty qorǵaý zańdylyǵyn buzý deregi anyqtaldy Ótken jyly temirjoldan ótý erejesin buzǵan 25 myńnan asa adam jaýapqa tartyldy Aqtóbede pırotehnıka ónimderi zańsyz satylyp kelgen

Polıtseılerdiń aıtýynsha, respýblıkalyq «Jolda qabyldaý» aktsııasyn ótkizý barysynda oblystyń eki turǵynyna joǵaltqan baǵaly zattary qaıtarylǵan.

Atyraý qalalyq polıtsııa basqarmasyna kelip, aryzdanǵan Venera esimdi qala turǵyny óziniń jasóspirim qyzynyń Iphone XS MAX, baǵaly uıaly telefonyn taksıde qaldyryp ketkenin aıtqan. Aktsııa barysynda azamatshadan aryz alynyp, birden jedel basqarý ortalyǵyna joldandy. Qala joldaryndaǵy kameralardyń kómegimen taksı sanaýly mınýtta anyqtalyp, polıtseıler júrgizýshimen baılanysqa shyqqan.

«Bas aıaǵy bes mınýtta taýyp berdi, polıtseılerge alǵysymdy bildiremin»,- deıdi aryzdanýshy.

Mundaı oqıǵany Mahambet aýdanynyń turǵyny Jannat Esqalıeva da basynan ótkergen. Oǵan «Jolda qabyldaý» aktsııasyn uıymdastyrýshylar taksıde qalyp qoıǵan ámııanyn, altyn buıymdary jáne 4 dana fleshkasyn qaıtaryp bergen. Mahambet turǵyny Atyraý oblysy ákimdiginiń telegram kanaly arqyly polıtseılerge alǵysyn bildirip, tabylǵan qundy zattarynyń fotosyn joldady.

ІІM uıytqy bolýymen osymen 8-shi márte ótkizilip keletin «Jolda qabyldaý» aktsııasyna atyraýlyqtar 3262 ret ótinishpen kelip, suraqtaryna qanaǵattandyrarlyq jaýap alǵan. Jyl basynan beri oblys turǵyndaryna 87 joǵalǵan zaty qaıtaryldy. Qala turǵyndarynyń biri, toıǵa bara jatyp, taksıge qujattaryn, ámııanyn tipti toı kóılegin de umytyp ketken. Polıtseıler arqyly bul zattar tabyldy. Sondaı-aq polıtsııa qyzmetkerleri kásipkerge quny 800.000 teńge bolatyn qymbat vazany qaıtarýǵa kómektesti.