+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Atyraýda jolaýshylar bir táýlikten beri Aqtóbege usha almaı otyr

2020 jylǵy 28 qańtar 19:18
Bólisińiz:
Atyraýda jolaýshylar bir táýlikten beri Aqtóbege usha almaı otyr

ATYRAÝ. QazAqparat – 29 jolaýshy Atyraýdan Aqtóbege ushatyn ushaqty bir táýlikten beri kútip júr, dep habarlaıdy QazAqparat tilshisi.

Uqsas jańalyqtar
Pıter Foster: FlyArystan bıletteriniń ortasha baǵasy - 13 myń teńge 2020 jyly qandaı halyqaralyq áýe reısteri ashylady Qazaqstandyq áýe kompanııalaryn tekserý qashan aıaqtalady

«Biz tórtinshi táýlikti jolda ótkizip otyrmyz. Nur-Sultan qalasynan Air Astana reısimen Aqtóbege jeksenbi kúni tańerteń ushtyq. Aqtóbege deıin jetip, elordaǵa oraldyq. Áýejaı bizdi qabyldamaıtynyn aıtty. Keıinnen Aqtóbege Air Astana ushaǵynyń jaqyn arada ushpaıtyny belgili boldy. Biraq Qazaq Air ushaqtary ushady. Biz osy reıske bıletter satyp alyp, dúısenbi kúni tańǵy saǵat úshte Aqtóbege ushtyq. Olar qalany aınalyp ótip, Atyraýǵa keshe keshke jetti. Dúısenbi kúni bizge saǵat 23.45-te ushamyz dep habarlady. Biraq reıs toqtatyldy», - dedi jolaýshylardyń biri Gúlnár Jumabekova.

Onyń aıtýynsha, bul reıs keı jolaýshylar úshin sátsiz bolǵan. Jeksenbide ushaq Aqtóbeden Nur-Sultanǵa qaıtyp kele jatqany týraly habarlanǵan kezde bortta úreı paıda bolǵan. Jolaýshylardyń bireýiniń qan qysymy kóterilse, ekinshisiniń júrek talmasy ustaǵan. Qandaı da bir sebeptermen bort qyzmetkerleri dári-dármek qobdıshasyn bermegen. Borttaǵy dárigerler qolda bar quraldarmen jolaýshylarǵa kómek kórsetýge májbúr bolǵan.

«Biz barlyq 29 jolaýshyny qonaq úıge jaıǵastyrdyq. Tamaqpen qamtamasyz ettik. Aýa raıy buzylmasa jáne áýejaı qaıtadan jabylmasa, búgin Oraldan bort kelip, 21.20-da olar Aqtóbege ushady dep kútip otyrmyz», - dep habarlady QazAqparat tilshisine Qazaq Air áýe kompanııasynyń atyraýlyq ókilderi.


Bizdiń kanalymyzǵa jazylyńyz:

Basty sózder: Atyraý oblysy, Oqıǵa, Kólik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT