Atyraýda jol apatynan júrgizýshi qyz mert boldy

ATYRAÝ. QazAqparat – Atyraýda jol apatynan júrgizýshi qyz mert boldy, dep habarlaıdy QazAqparat.

Oblystyq polıtsııa departamenti baspasóz qyzmetinen málim etkendeı, jol-kólik oqıǵasy 17 shildede Atyraý men Batys Qazaqstan oblystaryn jalǵaıtyn kúre jolda bolǵan.

«Keshki saǵat 21:30 shamasynda «Atyraý-Oral» baǵytyndaǵy jolda «Hyundai Ascent» pen «Gazel» kóligi soqtyǵysqan. Jol apatynan oqıǵa ornynda «Nyundai Ascent» kóliginiń 20 jasar júrgizýshisi mert boldy» -dep habarlady departamenttiń baspasóz qyzmeti.

Qazir atalǵan derekke qatysty QR Qylmystyq Kodeksiniń 345-babynyń 3-bóligimen sotqa deıingi tergeý júrip jatyr.

Eske sala ketelik, budan buryn Atyraýda jol apatynan bir adam mert bolyp, beseýi aýrýhanaǵa túskenin habarlaǵan edik.