+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Atyraýda joǵalǵan malyn izdegen jylqyshyny óltirgender sottaldy

2021 jylǵy 3 tamyz 18:12
Bólisińiz:
Atyraýda joǵalǵan malyn izdegen jylqyshyny óltirgender sottaldy

ATYRAÝ. QazAqparat – Atyraýda joǵalǵan malyn izdegen jylqyshyny óltirgender sottaldy, dep habarlaıdy QazAqparat.

Uqsas jańalyqtar
«Sary» aımaqtaǵy Atyraý oblysynda karantın qashan jeńildemek Atyraýda Jaıyq ózenindegi sý deńgeıi nege tómendedi Atyraý oblysynda janarmaı tasymaldaıtyn kólik órtendi

Buǵan deıin Atyraý oblysynyń polıtseıleri iz-túzsiz joǵalyp ketken jylqyshyny óltirgen kúdiktini ustap, qoǵamda daý týǵyzǵan qylmysty ashqanyn habarlaǵan edik.

Jaqynda Atyraý oblysynyń qylmystyq ister jónindegi mamandandyrylǵan aýdanaralyq sotynyń úkimimen QR Qylmystyq kodeksiniń 99-baby 1-bóligimen (adam óltirý) T., al, atalǵan kodekstiń 432-babymen (qylmysty jasyryp qalý) M., Q. kináli dep tanyldy.

Sot barysynda tómendegi mán-jaılar anyqtalǵan.

«2020 jyly 6 qyrkúıekte saǵat 19.00 shamasynda jábirlenýshi N. sottalýshy M.-nyń ıeligindegi mal sharýashylyǵyna mototsıkilmen joǵalyp ketken qulyndaryn izdep kelgen. Ol aýlada turǵan eki qulyndy kórip, óziniki ekenin aıtqan. Sottalýshy T. olardy berýden bas tartqan. Sodan jábirlenýshi ketip qalyp, kóp uzamaı bir úıir jylqysyn alyp kelgen kezde qora mańynda júrgen basqa jylqylar qasha jónelgen. Sol kezde T. sol jylqylardy qaıyryp kelýge sottalýshy K.-ni avtokóligimen jibergen.

Jábirlenýshi N. eki qulyn qamalyp turǵan aýlany ashýǵa árekettengen. T. onyń áreketine ashýlanyp, ony ıterip jiberip, tóbelesken. T. ashýlanyp, jábirlenýshini uryp-soǵyp, ańshy myltyǵymen bir ret atqan. T. bul oǵy jábirlenýshige tımeı qalǵanyn baıqap, oǵan jaqyndap kelip, júrek tusynan qaıta atqan. N. sol jerde birden qaza bolǵan», - dep habarlady sottyń baspasóz qyzmeti.

Keıin anyqtalǵandaı, sottalýshy T. qos aýyzdy myltyǵyn tyǵyp tastap, atylǵan gılzalardy jáne jábirlenýshiniń uıaly telefonyn órtep jibergen. Kóp uzamaı oqıǵa ornyna kelgen Q.-ǵa sottalýshy T. jábirlenýshini óltirip tastaǵanyn aıtqan. Ekeýi múrdeni kólikke salyp, ony jasyrý úshin sol mańaıdaǵy tereń qudyqqa tastap jibergen. Sottalýshy Q. qylmys izin, asa aýyr qylmysty jasyryp qalǵan.

Sodan keıin sottalýshy Q. jolshybaı ákesi sottalýshy M.-ny kezdestirip, oǵan sottalýshy T. jábirlenýshini óltirip tastaǵanyn aıtqan. Sottalýshy M. jábirlenýshi N.-nyń motokóligin óziniń basqarýyndaǵy «Kamaz-5511» avtokóligine tıep, oqıǵa ornynan basqa jerge aparyp tastaǵan.

Sottalýshylardyń qylmysynyń saldarynan jábirlenýshiniń otbasy N.-nyń múrdesin 9 kún boıy taba almaǵan.

«Basty sot talqylaýynda sottalýshylardyń kinási jábirlenýshilerdiń, kýálardyń jaýaptarymen, múrdeni tabý hattamasymen, saraptama qorytyndylarymen, beınejazbalarmen dálelin tapty. Sot T.-nyń buryn adam óltirgeni úshin sottalyp, sol úkimmen taǵaıyndalǵan 17 jyl merzimin tolyq ótelmegenin eskerip, oǵan túpkilikti 15 jyl 10 aı bas bostandyǵynan aıyrý jazasyn taǵaıyndada. Alǵashqy 3 jylyn túrmede óteýdi belgiledi. Sottalýshy M.-nyń jazasyn jeńildetetin, aýyrlatatyn mán-jaılardy anyqtamaı M.-ǵa 5 jyl, Q.-ǵa 4 jyl bas bostandyǵynan aıyrý jazasyn taǵaıyndady» -dep habarlady sottyń baspasóz qyzmeti.

Sot úkimi zańdy kúshine engen joq.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT