Atyraýda joǵalǵan balany izdeýge qutqarýshylar men eriktiler qosyldy
2022 jylǵy 23 qańtar 13:05

Atyraýda joǵalǵan balany izdeýge qutqarýshylar men eriktiler qosyldy

ATYRAÝ. QazAqparat – Atyraýda joǵalǵan 9 jasar balany izdeýge tótenshelikter men eriktiler qosyldy, dep habarlaıdy QazAqparat.

Budan buryn Atyraýda joǵalyp ketken 9 jasar bala tabylmaı jatqanyn jazǵan bolatynbyz.

Oblystyq polıtsııa departamentiniń baspasóz qyzmetinen málim etkendeı, kámeletke tolmaǵan jasóspirim keshe, 22 qańtarda túsqaıta úıinen inisimen birge oınaýǵa shyqqan.

Biraq, inisi úıine oralyp, 9 jasar bala joǵalyp ketken.

Qazir joǵalǵan balany 100-den astam adam izdep jatyr.

Onyń ishinde 100 polıtseı men tótenshe jaǵdaılar departamentiniń 17 qyzmetkeri, eriktiler men mektep muǵalimderi, ózge de turǵyndar bar.

«Joǵalǵan balany izdestirýge súńgýirler de tartyldy. Súńgýirler joǵalyp ketken jasóspirim turatyn úı mańyndaǵy Peretaska kanalyna tekserý júrgizip jatyr. Oǵan departamentten 17 qyzmetker men 3 tehnıka tartyldy», -dep málim etti oblystyq tótenshe jaǵdaılar departamentiniń baspasóz qyzmetinen.


Avtor:
Tilshi

Jańalyqtar

MURAǴAT