+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Atyraýda jergilikti bılik jappaı mal qyrylyp jatyr degen aqparatty joqqa shyǵardy

2021 jylǵy 15 shilde 13:54
Bólisińiz:
Atyraýda jergilikti bılik jappaı mal qyrylyp jatyr degen aqparatty joqqa shyǵardy

ATYRAÝ. QazAqparat - «Isataı aýdanyndaǵy aýyldarda sý izdegen maldar aram ólip jatyr» degen aqparatty aýdan ákimi joqqa shyǵardy, dep habarlaıdy QazAqparat Atyraý oblysynyń óńirlik kommýnıkatsııalar qyzmetine silteme jasap

Uqsas jańalyqtar
Mańǵystaý oblysyna mal azyǵy jeńildetilgen tarıfpen jetkiziledi Atyraý oblysynda jasóspirim jappaı tóbeles týraly jalǵan habar bergen Ǵalymjan Nııazov Mańǵystaý oblysynda qansha mal qyrylǵanyn aıtty

Birqatar BAQ Isataı aýdanyndaǵy birneshe aýylda kanal sýy tartylyp, jylqy men iri qara aram qatyp jatqanyn habarlaǵan bolatyn.

Osyǵan oraı, atalǵan aýdan ákimi Polymbet Hasanov máseleniń mán-jaıyn túsindirdi. Onyń aıtýynsha, aýdanda kanal jáne kotlovandaǵy sý deńgeıi az, biraq jappaı mal ólimi bolmaǵan.

Aýdan basshysynyń aıtýynsha, jýrnalıster Facebook jelisine bir turǵynnan kelip túsken fotosýretterdi jarııalaǵan.

«Biz sol jazbaǵa komment jazý arqyly áleýmettik jelidegi sýretterdi kimder jibergenin jáne mal ólimi naqty qaı jerde oryn alǵanyn suradyq, eshqandaı jaýap bolmady. Kelesi kúni dereý meniń orynbasarym mamandarmen birge Naryn kanalynyń boıyn jáne Manash kotlovanyn kózben kórip qaıtty. Ras, asyp-tasyp jatqan sý bolmaǵanymen, biraq mal sýarýǵa jeterlik. Al, jappaı qyrylyp jatqan mal deregi tirkelgen joq. Tek eki-úsh jerden ǵana kanaldyń batpaǵyna batyp, bolmasa aýyryp ólgen maldyń óleksesin keziktirýge bolady. Sý qazandyǵyna kóp mal kelip sý ishetinin eskersek, bul da - ádettegi jaǵdaı. Bul týraly da jýrnalısterge tolyq túsinik berdik. Biraq, efırden basqasha aqparat aıtyldy» dep túsindirdi Polymbet Maksımuly.

Sondaı-aq, aýdan ákimi sheshimin kútken máseleler de bar ekenin qosymsha aıtyp ótti.

– Aýdan aýmaǵy shóleıtti, jeri qunarsyz jáne sortań bolyp keledi. Sońǵy jyldary qar men jaýyn-shashyn az mólsherde túsýde. Biraq, bıylǵy kóktemde jańbyr mol jaýyp, jaıylymdyq jerge jaqsy jaǵdaı týdy. Qum óńirinen basqa eldimekender maly Kaspıı teńiziniń jaǵalaýy men Jaıyqtan bastaý alatyn aýdan aýmaǵyndaǵy kanaldardan sý ishedi. Ondaǵy sý deńgeıi birqalypty. Áıtse de, qaıtalap óteıin, Manash kotlovanyndaǵy sý deńgeıi tómendeý. Kanaldarǵa uzaq ýaqyt kúrdeli jóndeý júrgizilmegen, sý ótkizý deńgeıi óte tómen. Solardyń biri – aýdandaǵy eń iri Naryn kanaly. Ol «QazSýshar» mekemesiniń teńgeriminde. Bul kanal Mahambet aýdanyndaǵy Sarytoǵaı aýylynan bastalyp, Isataı aýdany aýmaǵyndaǵy tórt aýyldyq okrýgten ótip, Naryn aýyldyq okrýgine deıin barady. Sondyqtan, «birneshe aýyldyń maly qyrylyp jatyr» degen – eshqandaı dáıeksiz áńgime, - deıdi aýdan basshysy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT