Atyraýda jemqorlyq jasaǵan 48 adamnyń segizi ǵana qamaldy, 35 jemqor aıyppulmen qutylǵan
2022 jylǵy 29 maýsym 19:21

Atyraýda jemqorlyq jasaǵan 48 adamnyń segizi ǵana qamaldy, 35 jemqor aıyppulmen qutylǵan

ATYRAÝ. QazAqparat – Atyraý oblysynda sońǵy 1,5 jylda memleket kirisine 1,1 mlrd teńge qaıtaryldy, dep habarlaıdy QazAqparat.

Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń basshysy Erlan Dosanovtyń málimetinshe, sotqa deıingi is júrgizý sheńberinde memleket kirisine 1,1 mlrd teńge ótelgen. Bul - kelgen zalaldyń 96% qurap otyr.

«Sotqa deıingi tergep-tekserý jelisi boıynsha jumystyń basty krıterııi – azamattardyń konstıtýtsııalyq quqyqtaryn buzý faktilerine jol bermeý, qylmystyq isterdi qosymsha tergep-tekserýge qaıtarý, sottyń sybaılas jemqorlyq quramynan sybaılas jemqorlyq quramyna sybaılas jemqorlyqty qaıta saralaý. Sondaı-aq, merzimdi toqtatý jáne toqtatý týraly qaýlylardyń kúshin joıýdy barynsha azaıtyp, qylmystyq protsestiń úsh býyndy modelin iske asyrý sheńberinde protsestik sheshimderden bas tartý da bar», -deıdi Erlan Dosanov.

Onyń aıtýynsha, bıyl azamattardyń konstıtýtsııalyq quqyǵynyń buzylýyna jol berilmegen.

«Sońǵy bir jarym jyl ishinde sybaılas jemqorlyqqa qatysty 82 qylmystyq is óndirispen aıaqtaldy. Qylmystyq istiń 63-i sotqa joldandy. Bul ister boıynsha kináli dep tanylǵan 48 adam sottaldy. Onyń 8-ine bas bostandyǵynan aıyrý, 35-ine aıyppul túrindegi, al 5-eýine ózge jaza taǵaıyndaldy. Sotqa deıingi is júrgizý sheńberinde memleket kirisine 1,1 mlrd teńge nemese kelgen zalaldyń 96% óteldi», -dep málim etti Erlan Dosanov.

Departament qyzmetkerleri memlekettik satyp alý veb-portalyna monıtorıng júrgizip, taýarlar men qyzmetterge baǵany jasandy túrde kóteretin sala anyqtaǵan.

Onyń ishinde bilim salasynda 15, al densaýlyq saqtaý mekemelerinde 13 derek tirkelgen.

«Memlekettik satyp alý veb-portalyna júrgizilgen turaqty monıtorıngtiń qorytyndysymen berilgen usynystarymyz boıynsha 1,5 mlrd teńgeden astam qarajat únemdeldi. Asyra baǵalaý faktileri 103 memlekettik organda anyqtaldy. Osyndaı monıtorıngtiń nátıjesinde memleketke zalal kelmedi. Memlekettik satyp alý salasyndaǵy qylmystyq quqyq buzýshylyq deńgeıi 6 ese tómendedi», -deıdi departament basshysy.

Eske sala ketelik, budan buryn Atyraý oblysy ákiminiń burynǵy birinshi orynbasary 10 jylǵa sottalǵanyn jazǵan bolatynbyz.


Seriktester jańalyqtary

Jańalyqtar

Úrdis

MURAǴAT