Atyraýda turǵyn úıdiń 3-qabatyna ilinip turǵan 70 jastaǵy qarııa qutqaryldy
2022 jylǵy 22 mamyr 01:47

Atyraýda turǵyn úıdiń 3-qabatyna ilinip turǵan 70 jastaǵy qarııa qutqaryldy

ATYRAÝ. QazAqparat – Atyraýda kópqabatty úıdiń 3-qabatynan 70 jastaǵy qarııa qutqaryldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, oqys oqıǵa 21 mamyrda bolǵan.

Atyraý qalasyndaǵy «Nursaıa» shaǵyn aýdanynda saǵat 14:00 shamasynda kópqabatty úıdiń 3-qabatynan egde jastaǵy er adam ilinip turǵan. Bul týraly qalalyq polıtsııa basqarmasynyń 102 arnasyna habar túsken.

«Osy derekke baılanysty ýchaskelik polıtsııa ınspektorlary, polıtsııa kapıtany Serik Jumyrǵojıev pen polıtsııa leıtenanty Aslan Amanǵalıev atalǵan meken-jaıǵa jedel jetti. Polıtsııa ınspektorlary 3-qabatta turǵan 70 jastaǵy er adamdy qutqaryp qaldy», -dep habarlady departamenttiń baspasóz qyzmeti.

Keıin tártip saqshylary egde jastaǵy er adam kópqabatty úıdiń 3-qabatyndaǵy páterinde kilttenip qalǵanyn anyqtady.

Eske sala ketelik, budan buryn Atyraýda káriz qudyǵyna qulaǵan 11 jasar bala aýrýhanaǵa jetkizilgenin habarlaǵan edik.



Uqsas jańalyqtar

Jańalyqtar

MURAǴAT