Atyraýda turǵyn úıde gaz jarylyp, 3 adam aýrýhanaǵa tústi

ATYRAÝ. QazAqparat – Atyraý qalasynda kópqabatty turǵyn úıde gaz jarylyp, 3 adam aýrýhanaǵa tústi, dep habarlaıdy QazAqparat.

Uqsas jańalyqtar

Polıtseıler Mańǵystaý oblystyq aýrýhanasyndaǵy órtti sóndirip, ishtegilerdi evakýatsııalady

Teńiz kenishinde 5 avtobýstyń órtenýi: Oqıǵa sebebi anyqtaldy Oralda turǵyn úı órtenip, 2 gaz ballony jaryldy Óskemende órt shyqqan kópqabatty úıden 12 adam evakýatsııalandy

Oblystyq Tótenshe jaǵdaılar departamenti baspasóz qyzmetiniń aqparatyna súıensek, oqys oqıǵa 23 qańtarda saǵat 18:34-te Atyraý qalasynda bolǵan.

«Avangard-2» shaǵyn aýdanynda ornalasqan №18 úıdiń páteriniń birinde turmystyq gaz jaryldy. Aldyn ala boljam boıynsha, gaz jelisinde aqaý bolǵan. Ekinshi qabattaǵy kórshiles eki páterdiń arasyndaǵy qabyrǵa qulady. Gaz jarylysynan 3 adam zardap shegip, oblystyq aýrýhanaǵa jetkizildi» dep habarlady departamenttiń baspasóz qyzmetinen.

Aýrýhanaǵa túsken 3 adamǵa medıtsınalyq kómek kórsetildi. Keıin onyń ekeýi úıine jiberildi. Al oqıǵa ornynda Tótenshe jaǵdaılar departamentiniń qyzmetkerleri jumys istedi. Jarylystyń sebebi anyqtalyp jatyr.