Atyraýda túnimen kóshe kezgen 23 jasóspirim anyqtaldy
2021 jylǵy 21 qarasha 16:46

Atyraýda túnimen kóshe kezgen 23 jasóspirim anyqtaldy

ATYRAÝ. QazAqparat – Atyraýda túnimen kóshe kezgen 23 jasóspirim anyqtaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, 17-20 qarashada «Stýdent» jedel-profılaktıkalyq is-sharasy ótken.

«ıÝvenaldy polıtsııa bólimshesiniń ýchaskelik polıtsııa ınspektorlary is-sharany oblystyq ishki saıasat basqarmasy jáne «Aqtóbe damý» qoǵamdyq qorynyń mamandarymen birge ótkizdi. Іs-shara kezinde túngi saǵat 23:00-den keıin zańdy ókilderiniń erip júrýinsiz turǵyn-jaıdan tys jerde qydyrǵan 23 jasóspirim anyqtaldy. Osyǵan baılanysty 22 ata-anaǵa qatysty QR Ákimshilik quqyqbuzýshylyq týraly kodeksiniń 442-babynyń 2-bólimimen (kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵyn-jaıdan tys jerde bolýy) ákimshilik hattama toltyryldy. Al, 1 ata-anaǵa balasy atalǵan quqyq buzýshylyqty bir jyl ishinde birneshe ret qaıtalap jasaǵany úshin 442-babynyń 3-bólimimen (osy baptyń birinshi jáne ekinshi bólikterinde kózdelgen, ákimshilik jaza qoldanylǵannan keıin bir jyl ishinde qaıtalap jasalǵan áreketter) ákimshilik hattamalar toltyrylyp, jınaqtalǵan is-qujattar sheshim qabyldaý úshin sotqa joldandy», - dep habarlady departamenttiń baspasóz qyzmeti.

Sondaı-aq, ata-ananyń kámeletke tolmaǵan balalaryn tárbıeleý, bilim berý, quqyqtary men múddelerin qorǵaý jónindegi mindetterin oryndamaı júrgeni anyqtalǵan. Endi olarǵa qatysty QR Ákimshilik quqyqbuzýshylyq týraly kodeksiniń 127-babymen (kámeletke tolmaǵan adamdy tárbıeleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaý) toltyrylǵan ákimshilik hattamalar sotqa joldanyp otyr.

Eske sala ketelik, budan buryn Atyraýda aıaldamany búldirgen jasóspirimder ustalǵanyn jazǵan bolatynbyz.


Avtor:
Tilshi

Jańalyqtar

MURAǴAT