+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Atyraýda shekteý sharalaryna ózgerister engizildi

2020 jylǵy 6 sáýir 23:42
Bólisińiz:
Atyraýda shekteý sharalaryna ózgerister engizildi

ATYRAÝ. QazAqparat – Búgin, 6 sáýirde Atyraý oblysynyń bas memlekettik sanıtarlyq dárigeri Meıirjan Esimbaevtyń 2020 jylǵy 29 naýryzdaǵy «Atyraý oblysy aýmaǵynda qosymsha shekteý is-sharalaryn engizý týraly» qaýlysyna ózgerister engizildi, dep habarlaıdy QazAqparat.

Atap aıtqanda, tamaq ónimderin, mal sharýashylyǵy ónimderin, dári-dármekter, medıtsınalyq quraldar, qurylys materıaldary, janar-jaǵar maı materıaldary jáne turǵyndardyń ómiri men óndiristik qajettilikterge qajetti basqa da materıaldardy tasymaldaıtyn júk kólikteriniń Atyraýǵa kirýine jáne shyǵýyna ruqsat etiledi.

Oblystar men aýdandar arasynda resmı jáne beıresmı jeke tasymaldaýshylar men jolaýshylar tasymalyna, sondaı-aq, Atyraý qalasynda resmı emes jeke tasymaldaýshylarmen jolaýshylar tasymalyna tyıym salynady.

Saǵat 21:00-den 06:00-ge deıin oblys jáne qala ákimdikteri, quqyq qorǵaý organdary, jedel jáne shuǵyl medıtsınalyq kómek, sanıtarlyq-epıdemıologııalyq qyzmet, órt sóndirý, avarııalyq-qutqarý jáne tótenshe jaǵdaılar qyzmetkerlerin qospaǵanda, Atyraý qalasynda azamattar men kólik quraldarynyń qozǵalysyna tyıym salynady.

Strategııalyq óndiris obektilerine, baılanys quraldaryn qamtamasyz etetin – telekommýnıkatsııa jumysshylaryna (resmı málimeti kórsetilgen anyqtama jáne jumys ornynan anyqtama usynǵan kezde) ruqsat etilmegen adamdarsyz jáne otbasy múshelerinsiz júrýge ruqsat etiledi.

Saýda-oıyn-saýyq ortalyqtary men bazarlar, azyq-túlik sýpermarketteri, azyq-túlik dúkenderi, janar-jaǵarmaı beketterindegi saýda núkteleri, dárihanalar jáne qajetti taýarlardy satý jumysy saǵat 20:00-den 9:00-ge deıin toqtatylady.

Ekinshi deńgeıli bank fılıaldarynyń, poshta baılanysy men jeke notarıýstardyń jumys ýaqyty 09:00-den 17:00-ge deıin. Kezek kútý kezinde adamdar shoǵyrlanbas úshin dezınfektsııalyq is-sharalardy júrgizýmen jáne tótenshe jaǵdaı rejımi kezinde qabyldanǵan ózge de sanıtarlyq talaptardy saqtaı otyryp, 3 adamǵa deıingi áleýmettik qashyqtyq (keminde 2 metr) qadaǵalanady.

Úı-jaılardyń ishinde jáne irgeles aýmaqta, onyń ishinde bankomattar, kassalar men saýda núkteleriniń janynda uıymdastyrylmaǵan kezekterdiń bolýyna jol berilmeýi tıis. Karantın kezeńi men tótenshe jaǵdaı kezinde saltanatty otbasylyq is-sharalardy (3 adamnan astam qonaq jınalýy múmkin týǵan kún, úılený toıy jáne t.b. jıyndar ) ótkizýge tyıym salynady.

Aınalma joldar arqyly ótý men Atyraý qalasyna ruqsatsyz kirý jáne shyǵý faktileriniń aldyn alý maqsatynda oblystyq polıtsııa departamentine QR Ulttyq gvardııasynyń 5546 áskerı bólimimen birlesip avtomobıl joldary men blok-posttardy kúzetý úshin mobıldi toptar qurý tapsyryldy.

Sonymen qatar, Atyraý oblysy Qylmystyq-atqarý júıesi departamentiniń basshysyna sottyń úkimi zańdy kúshine engen tergeý ızolıatoryna jaqyn ornalasqan qylmystyq atqarý oryndaryna konvoılar jiberý tapsyryldy. Sondaı-aq, sanıtarlyq-epıdemıologııalyq normalardyń saqtalýynda qamtamasyz etýi tıis.

Eske sala ketelik, buǵan deıin Atyraýda karantın merzimi 15 sáýirge deıin sozylatynyn jazǵan edik.

Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT