+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Atyraýda sanıtarlyq talap saqtalmasa karantın sharalary kúsheıtilýi múmkin

2020 jylǵy 6 shilde 18:57
Bólisińiz:
Atyraýda sanıtarlyq talap saqtalmasa karantın sharalary kúsheıtilýi múmkin

ATYRAÝ. QazAqparat – Atyraýda sanıtarlyq talaptar saqtalmasa karantın sharalary kúsheıtilýi múmkin, dep habarlaıdy QazAqparat tilshisi.

Atyraý oblysy ákiminiń birinshi orynbasary, koronavırýspen kúres jónindegi óńirlik jedel shtabtyń tóraǵasy Nurlan Taýbaev shtabtyń naqty mindetteri týraly aıtyp berdi.

«Shtab shekteý sharalarynyń oryndalýyn qadaǵalap, jaǵdaıdy baqylaýda ustaıdy. Eger qajettilik týyndasa, shtab qatań karantın sharalaryn engizý týraly usynys bildire alady. Al, qazirgi jaǵdaıǵa baılanysty qabyldanatyn sheshimder aldaǵy úsh-tórt kúnde belgili bolady. Jeke kólik qozǵalysyna keshki saǵat 23.00-ge deıin eshqandaı ruqsat qujaty qajet emes, ıaǵnı tyıym salynbaıtyndyǵyn atap ótkim keledi. Sondaı-aq, turǵyndar maskany mindetti túrde taǵyp júrýi kerek. Ári áleýmettik qashyqtyqty saqtaǵan jón. Erejelerdi saqtalmaǵan bolsa, azamattar jaýapqa tartylady. Budan bólek, mobıldi top kún saıyn polıtsııa jáne epıdemıologtermen birlesip sanıtarlyq-epıdemıologııalyq normalardyń oryndalýyn baqylaý maqsatynda reıd ótkizedi. Talapqa sáıkes kelmeıtin qyzmetter bolsa, ruqsat etilgen nysan ıeleri jaýapqa tartylyp, ol mekemeler jabylady. Máselen, talaptardy oryndamaǵany úshin býkmekerlerdiń qyzmetine tyıym salyndy», - dedi Nurlan Taýbaev.


Sondaı-aq, jedel shtab tóraǵasy oblys turǵyndaryn tek senimdi aqparatqa senýge shaqyrdy.

«Birer kún buryn qalada dári-dármekterdi ruqsatsyz taratý sharasy uıymdastyryldy. Uıymdastyrýshylar bul áreketin eshkimmen aqyldaspaǵan, aldyn-ala kelispegen. Adamdardyń qaýipsizdik erejelerin saqtamaýy sebebinen, bul jaǵdaı aýrýdyń jańa tolqynynyń paıda bolýyna ákelip soǵýy múmkin edi. Óıtkeni, barlyq sanıtarlyq normalar buzylǵan. Osy oraıda turǵyndardan tek resmı aqparatqa senýdi suraımyn. Qazir halyq áleýmettik jelilerde taralyp jatqan jalǵan aqparattarǵa senip, sonyń saldarynan dúrbeleń týyndaýda. Mundaı ótirik, jel sózge aldanyp qalmańyzdar, árdaıym alǵan aqparatyńyzdyń shynaıy ekenine kóz jetkizińizder», - dedi ol.

Eske sala ketelik, Atyraýda koronavırýspen kúres jónindegi jedel shtab quryldy.



Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT