Atyraýda Rfizer vaktsınasyn ashanadaǵy sýsyndarǵa qosady degen jalǵan aqparat tarady
2021 jylǵy 27 qarasha 14:01

Atyraýda Rfizer vaktsınasyn ashanadaǵy sýsyndarǵa qosady degen jalǵan aqparat tarady

ATYRAÝ. QazAqparat – Atyraýda Rfizer vaktsınasyn mektep ashanasyndaǵy sýsyndar men tamaqqa qosady degen jalǵan aqparat taraǵan, dep habarlaıdy QazAqparat.

Atyraý oblystyq densaýlyq saqtaý basqarmasy baspasóz qyzmetinen málim etkendeı, áleýmettik jelide jalǵan aqparat taratylyp otyr. Ata-analardyń chattarynda «Mektep ashanalaryndaǵy tamaq pen sýsyndarǵa Pfizer vaktsınasy qosylýda. Vaktsına qosylǵan tamaqty qabyldaǵan balalarda qaýipti aýrýdyń belgileri, ıaǵnı, júrek aıný jáne qusý baıqalýda» delingen.

«WhatsApp jelisinde dybystyq habarlama taratqan belgisiz áıel Pfizer vaktsınasy balalarǵa muryn tamshylary arqyly da engizilýde dep málimdegen. Bul aqparat shyndyqqa janaspaıdy. Sebebi, Pfizer kompanııasy óndirip otyrǵan Komırnatı vaktsınasynyń ár qutysy 6 adamǵa arnalǵan. Vaktsınalar medıtsınalyq oryndarda arnaıy muzdatqyshta saqtalýda. Bul vaktsına 12 jastan 18 jasqa deıingi jasóspirimderge ata-analardyń kelisimimen ıyqqa salynady. Vaktsınanyń muryn tamshylary men spreı túrindegi balamalary joq. Jalǵan jáne dáıeksiz aqparat taratýshylarǵa QR Qylmystyq kodeksiniń 274-babyna sáıkes jaza kózdelgen. Quqyq buzýshyny izdeý úshin barlyq qajetti shara qabyldanady» - dep habarlady basqarmasynyń baspasóz qyzmeti.

Eske sala ketelik, budan buryn Atyraýda Pfizer vaktsınasyn 84 áıel men 51 jasóspirim salynǵanyn jazǵan bolatynbyz.


Seriktester jańalyqtary

Jańalyqtar

Úrdis

MURAǴAT