Jańalyqtar  >
Atyraýda Otyrardan tabylǵan qundy jádigerler kórmesi ótýde
2022 jylǵy 8 tamyz 03:17

Atyraýda Otyrardan tabylǵan qundy jádigerler kórmesi ótýde

ATYRAÝ. QazAqparat – Atyraý oblystyq tarıhı-ólketaný mýzeıinde «Uly jibek joly jáne Otyrar alqabynyń ortaǵasyrlyq órkenıeti» atty kóshpeli kórme ótip jatyr. Kóshpeli kórme 29 tamyzǵa deıin jalǵasady, dep habarlaıdy QazAqparat.

«Otyrar» memlekettik arheologııalyq mýzeı-qoryǵynyń dırektory Jankeldi Mahashovtyń málimetinshe, kóshpeli kórmege 80-nen astam jádiger ákelingen.

Kórme jádigerleri eki bólimmen usynylǵan. Alǵashqy bólimde ІH-HІІ ǵasyrlar kezindegi Otyrardyń tynys-tirshiligin baıandaıtyn zertteýler nátıjeleri men sol dáýirge tán túpnusqa jádigerler jınaqtalǵan. Al, ekinshi bólimde áıgili sultan Ámir Temir dáýiri men Qazaq handyǵy tusyndaǵy Otyrar qalasynyń damýyn aıshyqtaıtyn zattaı jádigerler qoıylǵan.

«Ortaǵasyrlyq Otyrar – áıgili oıshyl ál-Farabı dúnıege kelgen shahar. Tarıhı qaladan X-XII ǵasyrlarǵa tıesili jádigerler kóp tabylǵan. Onyń ishinde tuǵyrly maısham túrleri, san alýan úlgide jasalǵan tutqaly qazandar men qumyralar, sý qubyrynyń bólshekteri, sándi saptyaıaqtar, alýan pishindegi qaqpaqtar, tostaǵan men tabaqtar, sııasaýyt pen kese, monshaqtar men túımeler kollektsııasy bar», -deıdi Jangeldi Mahashev.

Onyń aıtýynsha, munaıly óńir turǵyndarynyń nazaryna Tashkent, ıAssy, Buqara, Samarqand, Shaǵataı, Qarahanıd, Qytaı teńgeleri men dırhemderi usynylǵan. Kóne jádigerlerdiń arasynda Alambık shynysynan jasalǵan túrli ydystar men shyny vazalar, kóne qala ǵımarattaryn qaptaǵan jazýly qaptamalar men órnekti kirpishterdi, polıtra men sferakonýsty, selodan farforynan jasalǵan Qytaı ydystary nazar aýdarady. Sol kezeńdegi «Dıýanı Hıkmet» jáne «Tartıbı Zıbo» grammatıkalyq eńbegi, «Mýlla Qasym» dinı kitaptary qoıylǵan.

Eske sala ketelik, budan buryn Atyraýda Jambyl aqynnyń jeke buıymdary kóshpeli kórmege qoıylǵanyn jazǵan bolatynbyz.


Seriktester jańalyqtary

Jańalyqtar

Úrdis

MURAǴAT